ডিফু, ১৭ নৱেম্বৰ: কাৰ্বি আংলং জিলাৰ বোকাজান মহকুমাৰ অন্তৰ্গত খটখতিত খাদ্যত বিষক্ৰিয়া হৈ পাঁচ গৰাকীকৈ যুৱতী চিকিৎসাধীন । জানিব পৰা মতে, বুধবাৰৰ দুপৰীয়া ভাগত খটখতিৰ জৰ টকবি গাঁৱৰ পাঁচ গৰাকীকৈ যুৱতীক বোকাজান সমূহীয়া চিকিৎসালয়ত ভৰ্তি কৰোৱা হৈছিল ৷
চিকিৎসকে প্ৰাথমিক পৰীক্ষা কৰি ঔষধ দিয়াৰ পাচতো যুৱতী কেইগৰাকী সুস্থ হোৱা নাছিল ৷ যুৱতী কেইগৰাকীৰ স্বাস্থ্যৰ অধিক অৱণতি ঘটাৰ বাবে চিকিৎসকে উন্নত চিকিৎসাৰ বাবে ডিমাপুৰলৈ প্ৰেৰণ কৰিছে ।
পুৱাৰ ভাগত ভজা ভাত আৰু ক্ৰীম বন খোৱাৰ পাছতেই Abandant life bibal নামৰ বিদ্যালয়ৰ মুঠ চৈধ্য গৰাকী যুৱতীৰ ভিতৰত পাঁচ গৰাকীৰ পেটৰ বিষৰ লগতে বমি হোৱা বুলি জানিবলৈ দিছে চিকিৎসকে ৷ পৰৱৰ্তী সময়ত লাহে লাহে যুৱতী কেইগৰাকীৰ স্বাস্থ্যৰ অধিক অৱনতি ঘটাত ততাতৈয়াকৈ বিদ্যালয় কৰ্তৃপক্ষই বোকাজান সমূহীয়া চিকিৎসালয়ত ভৰ্তি কৰিছিল ৷
লগতে পঢ়ক: Winter Session of BTC Assembly: তীব্ৰ বাক-বিতণ্ডাৰে উত্তাল প্ৰথম দিনাৰ সদন
