ডিফু, ১৮ ডিচেম্বৰ: শেহতীয়াকৈ দুচকীয়া বাহন চালক-আৰোহীৰ বাবে হেলমেট বাধ্যতামূলক কৰা হৈছে । মুখ্যমন্ত্ৰী ড০ হিমন্ত বিশ্ব শৰ্মাৰ নিৰ্দেশৰ পাচতে জিলা জিলাই প্ৰয়োজনীয় ব্যৱস্থা গ্ৰহণ কৰিছে প্ৰশাসনে । বিভাগীয় মন্ত্ৰী পৰিমল শুক্ল বৈদ্যৰ লগতে বিভাগীয় আয়ুক্ত আৰু সচিবৰ তত্বাৱধনাত হেলমেট নিপিন্ধা চালক-আৰোহীৰ বিৰুদ্ধে ৰাজ্যজুৰি অভিযান অব্যাহত আছে । শনিবাৰে কাৰ্বি আংলং জিলাৰ মাঞ্জাতো হেলমেট পৰিধান নকৰা সকলৰ বিৰুদ্ধে অভিযান চলোৱা হয়(Karbi Anglong transport department against helmetless riders) ।
লগতে মাঞ্জা তিনিআলিত বেনাৰ, পোষ্টাৰ ওলোমাই ৰাইজক সজাগ কৰাৰ প্ৰয়াস কৰা হয় । এই অভিযানৰ নেতৃত্ব দিয়া জিলা পৰিবহণ বিষয়া বিক্ৰমাদিত্য গগৈয়ে সাংবাদিকৰ আগত কয় যে, জিলাখনত হেলমেট পৰিধান নকৰাকৈ দুচকীয়া বাহন চলাই দুৰ্ঘটনাত পতিত হোৱা লোকৰ সংখ্যা দুগুণ বৃদ্ধি পাইছে ৷ এনে দুৰ্ঘটনাৰ পৰা পৰিত্ৰাণ পাবলৈ মুখ্যমন্ত্ৰীৰ নিৰ্দেশ মৰ্মে এনে অভিযান চলোৱা হৈছে(Campaign against helmetless riders in Manja) ৷ তেওঁ জনোৱা মতে, মুখ্যমন্ত্ৰীৰ নিৰ্দেশৰ পিছতে জিলাখনত হেলমেট পৰিধান নকৰা বাহন চালক আৰু আৰোহীৰ বিৰুদ্ধে ৰুজু কৰা হৈছে ৬০০ টাতকৈও অধিক গোচৰ ।
ঘন কুঁৱলীয়ে আৱৰা পথত, বনভোজলৈ যোৱা পথত আৰু সাধাৰণ পথত কেনেকৈ বাহনসমূহ চলাব লাগে সেই বিষয়েও সজাগ কৰাৰ প্ৰয়াস কৰা হৈছে । জিলাখনৰ সাধাৰণ জনতাই বুজি পোৱাকৈ অসমীয়া আৰু কাৰ্বি ভাষাত দুয়োটা ভাষাতে সজাগতামূলক পোষ্টাৰবোৰ লিখা হৈছে । বাতৰি কাকতত বিজ্ঞাপন দিয়াৰ লগতে আৰু মাইকযোগে ঘোষণা কৰিও এই সন্দৰ্ভত বিভাগটোৱে সজাগতা অভিযান চলাব কৰিব বুলি জানিবলৈ দিয়ে পৰিবহণ বিষয়াগৰাকীয়ে ৷
লগতে পঢ়ক:ৰহস্যজনকভাৱে তিনিমাহে প্ৰৱঞ্চক মৃদুপৱন নেওগৰ সন্ধান উলিওৱাত ব্যৰ্থ আৰক্ষী
