ডিফু, ১৩ মাৰ্চ: কাৰ্বি আংলং জিলা আইন সেৱা প্ৰাধিকৰণৰ বিভিন্ন প্ৰশংসনীয় পদক্ষেপ । জিলাখনৰ সদৰ ডিফুত ইটোৰ পিছত সিটোকৈ প্ৰশংসনীয় পদক্ষেপ গ্ৰহণ কৰি আহিছে । শুকুৰবাৰে ডিফুত জনজাতীয় লোকসকলৰ আইনী অধিকাৰ সন্দৰ্ভত এক সজাগতা সভা অনুষ্ঠিত কৰা হয় ৷ ডিষ্ট্ৰিক্ট লীগেল চাৰ্ভিছ অথ'ৰিটি চমুকৈ ডিএলএছৰ আৰু ওৱান ষ্টপ চেণ্টাৰৰ যৌথ উদ্যোগত অনুষ্ঠিত কৰা হয় সভাখন ।
সভাত জনজাতীয় লোকসকলৰ বাবে থকা কেতবোৰ আইনী অধিকাৰ সন্দৰ্ভত বিস্তৃত বাখ্যা আগবঢ়ায় ৷ জিলাখনৰ বহু সংখ্যক অনুসূচীত জাতি-জনজাতিৰ লোক এই সজাগতা সভাৰ জৰিয়তে লাভান্বিত হৈছে বুলি মত প্ৰকাশ কৰে ৷ জিলা আইন সেৱা প্ৰাধিকৰণৰ সচিব নাগিব আহমেদ, অধিবক্তা ৰবিনচন হাঞ্চে আৰু কাৰ্বি আংলং জিলা ওৱান ষ্টপ চেণ্টাৰৰ কেন্দ্ৰীয় প্ৰশাসনিক ইস্টা টেৰণপী উপস্থিত থাকি জনজাতীয়সকলৰ আইনী অধিকাৰ সন্দৰ্ভত বিস্তৃত বাখ্যা আগবঢ়ায় ৷
লগতে পঢ়ক: প্ৰথম পৰ্যায়ৰ নিৰ্বাচনৰ বাবে সাজু যোৰহাট
