ডিফু চিকিৎসা মহাবিদালয়ত 70 সংখ্যক বন মহোৎসৱ উদযাপন

ডিফু হিল্ছ মেডিকেল কলেজ আৰু গৱেষণা কেন্দ্ৰৰ প্ৰাংগণত 70 সংখ্যক বন মহোৎসৱ উপলক্ষে 10 হাজাৰ গছপুলি ৰোপণ কাৰ্যসূচীত উপস্থিত থাকে মন্ত্ৰী ড: হিমন্ত বিশ্ব শৰ্মা

ডিফু, 26 জুলাইঃ বৃহস্পতিবাৰে ডিফু হিল্ছ মেডিকেল কলেজ আৰু গৱেষণা কেন্দ্ৰৰ প্ৰাংগণত 70 সংখ্যক বন মহোৎসৱ উপলক্ষে 10 হাজাৰ গছপুলি ৰোপণ কাৰ্যসূচী অনুষ্ঠিত হয় ৷ অনুষ্ঠানত মুখ্য বৃক্ষৰোপক হিচাপে মন্ত্ৰী ড: হিমন্ত বিশ্ব শৰ্মা উপস্থিত থাকি অসমৰ অন্যান্য চিকিৎসা মহাবিদ্যালয়ৰ দৰে ডিফু চিকিৎসা মহাবিদালয়ৰ চৌহদতো বিভিন্ন গছ- গছনিৰ লগতে ঔষধি গছপুলি ৰোপণ কাৰ্যসূচী এক সৌভাগ্যৰ বিষয় বুলি মন্তব্য আগবঢ়ায় ৷ ইয়াৰোপৰি অহা নৱেম্বৰ মাহৰ ভিতৰত চিকিৎসা মহাবিদ্যালয় খনক 300 খন বিছনাযুক্ত হাস্পতাল হিচাপে গঢ়ি তোলা হ'ব বুলিও মন্তব্য কৰে ৷