ডিফু, 16 নৱেম্বৰ: বিভিন্ন জাতি জনগোষ্ঠীৰ মিলনভূমি পশ্ছিম কাৰ্বি আংলঙৰ বৈঠালাংছ'ত স্থাপন হ'ব শ্ৰীমন্ত শঙ্কৰদেৱ বিশ্ববিদ্যালয় এটি চৌহদ ৷ বৈঠালাংছ কেন্দ্ৰীয় শঙ্কৰ মন্দিৰ সমিতিৰ উদ্যোগত দুদিনীয়া বৰ্ণাধ্য কাৰ্যসূচীৰে অনুষ্ঠিত হৈ যোৱা ৰাস মহোৎসৱৰ গ্ৰন্থ উন্মোচনী সভাত অংশলৈ এই কথা ব্যক্ত কৰে বিশ্ববিদ্যালয়খনৰ উপাচাৰ্য ডঃ কন্দৰ্প কুমাৰ ডেকাই ৷ স্মৰ্তব্য যে, মহাপুৰুষজনৰ ৫৭১ তম জন্মোৎসৱত সমিতিয়ে 'মহাপুৰুষ শংকৰদেৱ ' শীৰ্ষক এটি কুইজ প্ৰতিযোগিতা অনুষ্ঠিত কৰিছিল বৈঠালাংছত ৷ এই অনুষ্ঠানতেই যুগুত কৰি উলিওৱা " কল্পতৰু কুইজ" শীৰ্ষক গ্ৰন্থখন যুটীয়াভাবে উন্মোচন কৰে উপাচাৰ্য ডঃ কন্দৰ্প কুমাৰ ডেকা আৰু বিশিষ্ট কবি, সাহিত্যিক ডঃ কৰবী ডেকা হাজৰিকাই ৷ বৈঠালাংছ'ৰ দৰে অঞ্চলৰ পৰা এনেদৰে এখন কুইজৰ কিতাপ প্ৰকাশ কৰা বিষয়টো আশাব্যঞ্জক বুলি মন্তব্য কৰি উপাচাৰ্য ডঃ ডেকাই এনেধৰণৰ গ্ৰন্থই ছাত্ৰ-ছাত্ৰী সকলক বহু পৰিমানে উপকৃত কৰিব বুলি মন্তব্য কৰে ৷ উপাৰ্চায গৰাকীৰ বৈঠালাংছ'ত শ্ৰীমন্ত শঙ্কৰদেৱ বিশ্ববিদ্যালয় চৌহদ স্থাপনৰ ঘোষণা বৈঠালাংছ'বাসীয়ে বিপুলভাবে আদৰণি জনাইছে ৷ ড৹ ডেকাই অতি শীঘ্ৰে যাৱতীয় আলোচনাৰ বাবে বৈঠালাংছ'ৰ পৰা এটি প্ৰতিনিধিৰ দলক বিশ্ববিদ্যালয়খনলৈ আমন্ত্ৰন জনাইছে ৷
আৰু পঢ়ক: এবাৰ ব্যৱহৃত অতি নিম্ন মানৰ প্লাষ্টিকৰ পৰা নিৰ্মাণ 75 কিল'মিটাৰ দৈৰ্ঘৰ পথ
