ডিফু, ১১ নৱেম্বৰ : অসম-নাগালেণ্ড সীমান্তৱৰ্তী লাহৰীজানত বৃহস্পতিবাৰে আৰক্ষীয়ে অভিযান চলাই বন্দুকসহ এজন লোকক গ্ৰেপ্তাৰ কৰিবলৈ সক্ষম হৈছে । ধৃত যুৱকজন হাওৰাঘাট চাৰথে ৰংহাং গাঁৱৰ হেমাৰী ইংতি (৩৭) বুলি চিনাক্ত কৰা হৈছে । যুৱকজনৰ পৰা আৰক্ষীয়ে এটা এছ বি বি এল বন্দুক জব্দ কৰে ৷
বোকাজান মহকুমা আৰক্ষী বিষয়া জন দাসে সীমান্তৱৰ্তী লাহৰীজানত কোনো দুৰ্বৃত্তই বন্দুক বিক্ৰীৰ বাবে অনাৰ তথ্য গোপন সূত্ৰে লাভ কৰে । উক্ত তথ্যৰ ভিত্তিত বৃহস্পতিবাৰে বিয়লি বোকাজান থানাৰ ভাৰপ্ৰাপ্ত বিষয়া মণি কান্ত চমুৱা, খটখটি থানাৰ ভাৰপ্ৰাপ্ত বিষয়া মৌলিক ব্ৰহ্ম, ডিলাই থানাৰ ভাৰপ্ৰাপ্ত বিষয়া ফণীধৰ ৰাভা, লাহৰীজান তহলদাৰী চকীৰ ভাৰপ্ৰাপ্ত বিষয়া লুটফুৰ ৰহমানৰ নেতৃত্বত আৰক্ষীৰ এটা দলে লাহৰীজান চানডে বজাৰ এলেকাত অভিযান চলায় আৰু যুৱকজনক আটক কৰে ৷
উল্লেখ্য যে, কাৰ্বি আংলং জিলাৰ ডেনগাঁও বজাৰৰ পৰা আৰক্ষীয়ে বুধবাৰেও বন্দুকসহ এজন যুৱকক গ্ৰেপ্তাৰ কৰে ৷ যুৱকজনে বন্দুকটো বিক্ৰীৰ বাবে অনা বুলি জানিব পৰা গৈছে ।
লগতে পঢ়ক : পত্নী সহ শাহুক কিয় দাৰে কাটিলে জোৱায়েকে ?
