কামৰূপ , ১৩ জুন : কামৰূপ জিলাৰ পলাশবাৰী আৰক্ষী থানাৰ অন্তৰ্গত, বৰিহাটৰ নিৰলপুৰৰ পৰা এগৰাকী মহিলা ৰহস্যজনকভাৱে নিৰুদ্দেশ হোৱা ঘটনাই ৰহস্যৰ সৃষ্টি কৰিছে । যোৱা ৪ জুনত ৰীতা হাজৰিকা নামৰ মহিলা গৰাকীয়ে নিৰলপুৰৰ অমৃত কলিতা নামৰ লোক এজনৰ ভাড়াঘৰৰ পৰা গুৱাহাটীলৈ বুলি ওলাই যোৱাৰ পাচৰে পৰা সন্ধানহীন হৈ আছে ।
পৰিয়ালৰ লোকে জানিব দিয়া মতে ৪ জুনৰ পৰাই ৰীতা হাজৰিকাৰ পৰিয়ালৰ স'তে কোনো যোগাযোগ হোৱা নাছিল । এই সম্পৰ্কত পৰিয়ালৰ লোকে পলাশবাৰী আৰক্ষী থানাত এখন এজাহাৰ দাখিল কৰে যদিও, আজিকোপতি পৰিয়ালৰ লোকে আৰু আৰক্ষীয়ে নিৰুদ্দেশ হোৱা মহিলা গৰাকীৰ কোনো শুংসূত্ৰ উলিয়াব পৰা নাই । ৪ ফুট ১\২ ইঞ্চি উচ্চতাৰ , পিন্ধনত চুৰিদাৰ , বগা বৰণৰ মহিলা গৰাকীৰ, কোনো সদাশয় লোকে সম্ভেদ পালে ৬০০০৫৬৪০৩৩ নম্বৰত পৰিয়ালৰ স'তে যোগাযোগ কৰিবলৈ আহ্বান জনাইছে ৷
পলাশবাৰীৰ তাতিবামাত মহিলা নিৰুদ্ধেশ
