আমিনগাঁও, 23 মে’: জালুকবাৰী সমষ্টিৰ আমিনগাঁৱৰ চিলা মহেখাইতি গাঁৱত বিশুদ্ধ খোৱাপানীৰ অভাৱত নিজৰাৰ অপৰিস্কাৰ পানী খাই তৃষ্ণা দূৰ কৰিছে গাঁওবাসীয়ে । প্ৰায় 2/3 কিলোমিটাৰ খোজকাঢ়ি গৈ মহিলাসকলে নিজৰাৰ পৰাই ঘৰলৈ নিবলগীয়া হয় খোৱাপানী । ৩১ নং ৰাষ্ট্ৰীয় ঘাইপথ অতিক্ৰম কৰি নিজৰাৰ পানী নিবলৈ যাওঁতে বহুকেইজন লোক দুৰ্ঘটনাত পতিত হোৱা বুলিও জানিব পৰা গৈছে ।
আমিনগাঁৱত খোৱাপানীৰ সমস্যা
জনস্বাস্থ্য কাৰিকৰী বিভাগক বাৰম্বাৰ অনুৰোধ কৰিও কোনো সুফল লাভ নকৰাৰ অভিযোগ অঞ্চলবাসীৰ । নিজৰাৰ অপৰিস্কাৰ পানী খাই বিভিন্ন ৰোগত আক্ৰান্তও হ’বলগীয়া হৈছে অঞ্চলটোৰ বহু লোক ।
লগতে পঢ়ক: লক ডাউনঃ নগাঁৱৰ ৰূপহীহাটত বিল নিদিয়াৰ বাবেই কৰ্তন কৰে বিদ্যুৎ
