ৰঙিয়া, 17 জুনঃ পল -জাল লৈ ৰঙিয়াৰ ৰাজপথত অভিনৱ প্ৰতিবাদ ৷ পথ নিৰ্মাণৰ দাবীত এই প্ৰতিবাদ সাব্যস্ত কৰে এ বি এমছুৱে ৷ শোচনীয় অৱস্থাত থকা ৰঙিয়া-লতীবাৰি-গোৰেশ্বৰ সংযোগী পথটো মেৰামতিৰ ক্ষেত্ৰত বিভাগীয় কৰ্তৃপক্ষৰ অৱহেলাৰ বাবে এতিয়া ক্ষুদ্ধ হৈ উঠিছে অঞ্চলটোৰ ৰাইজ । পথৰ মাজত আছে দ’ গাত ৷ পথটোৰে যাতায়তৰ সময়ত প্ৰায়েই দুৰ্ঘটনা সংঘটিত হয় বুলি অভিযোগ উত্থাপন কৰে স্থানীয় ৰাইজে ৷ পথটোৰ পুনৰ নিৰ্মাণ আৰু মেৰামতিৰ বাবে ৰাইজে দীৰ্ঘদিন ধৰি বিটিচি প্ৰশাসন তথা কৰ্তৃপক্ষক আবেদন নিবেদন কৰি আহিছে যদিও কোনো ধৰণৰ কাৰ্যকৰী ব্যৱস্থা গ্ৰহণ নকৰাৰো অভিযোগ প্ৰতিবাদকাৰীৰ ৷
ইয়াৰে প্ৰতিবাদত এবিএমছুৰ সদস্যসকলৰ লগতে ঢেপাৰগাঁৱৰ ৰাইজে পথটোত প’ল’ - জাল লৈ প্ৰতিবাদ সাব্যস্ত কৰে ৷ আনহাতে, বিধায়ক ভৱেশ কলিতাই কেৱল আধাৰশিলা স্থাপন কৰিয়েই দায়িত্ব সামৰা বুলি মন্তব্য কৰে প্ৰতিবাদকাৰীসকলে ৷ অনতিপলমে পথটো নিৰ্মাণ নকৰিলে অনিৰ্দিষ্ট কাললৈ পথ বন্ধ কৰাৰো হুংকাৰ প্ৰদান কৰে বাক্সা জিলাৰ এবিএমছুৰ সভাপতি নজৰুল ইছলামে ৷ আনহাতে, বিধায়ক ভৱেশ কলিতাই কেৱল আধাৰশিলা স্থাপন কৰিয়েই দায়িত্ব সামৰা বুলি মন্তব্য কৰে প্ৰতিবাদকাৰীসকলে ৷
