বকো,14 জানুৱাৰীঃ সোমবাৰে নিশা বকোত দুটা পৃথক পথ দুৰ্ঘটনাত দুজন লোক গুৰুতৰভাৱে আহত হয় ৷ বকোৰ ৰাজাপাৰাৰ 17 নং ৰাষ্ট্ৰীয় ঘাইপথ আৰু বকোৰ বাঘৰগাৱঁত সংঘটিত হয় পথ দুৰ্ঘটনা দুটা ৷
ঘটনাৰ অনুসৰি,বকোৰ ৰাজাপাৰাৰ 17 নং ৰাষ্ট্ৰীয় ঘাইপথত অচিনাক্ত বাহনৰ খুন্দাত বাইক আৰোহী এজন গুৰুতৰভাৱে আহত হয় ৷ আঘাতপ্ৰাপ্ত যুৱকজন আজাৰাৰ ৰাজাপানী চন্দাৰ বিষ্ণু বড়ো বুলি চিনাক্ত কৰা হৈছে ৷ দুৰ্ঘটনাত পতিত বাইকখনৰ নম্বৰ D-7S-AG-6902 ৷ পৰৱৰ্তী সময়ত ঘটনাস্থলীত বকো আৰক্ষী উপস্থিত হৈ আঘাতপ্ৰাপ্ত যুৱকজনক ততাতৈয়াকৈ বকো প্ৰাথমিক স্বাস্থ্য কেন্দ্ৰত ভৰ্তি কৰায় ৷ আনহাতে, বকোৰ বাঘৰগাঁৱৰ ছমৰীয়া পথতো সংঘটিত হয় আন এটা পথ দুৰ্ঘটনা ৷ এখন তীব্ৰবেগী ট্ৰাকৰ খুন্দাত গুৰুতৰভাৱে আঘাতপ্ৰাপ্ত হয় আন এজন যুৱক ৷ যুৱকজন বাঘৰগাঁৱৰ মিন্টু আলী বুলি জানিব পৰা গৈছে ৷ মিন্টু আলীকো স্থানীয় ৰাইজ আৰু বকো আৰক্ষীয়ে অতি সংকটজনক অৱস্থাত বকো চিকিৎসালয়ত ভৰ্তি কৰায় ৷ ইপিনে দুৰ্ঘটনা সংঘটিত কৰিয়েই ট্ৰাকখনে পলায়ন কৰে ৷ দুৰ্ঘটনাত পতিত স্কুটীখনৰ নম্বৰ AS-25N-4557 ৷
লগতে পঢ়ক - নিৰ্বাচনৰ পূৰ্বে দিল্লীত বৃহৎ পৰিমানৰ ধন জব্দ
:
