ৰঙিয়া, 2 মে': COVID-19ত আক্ৰান্ত লোকৰ লগত পৰোক্ষভাৱে সম্পৰ্ক থকা দুগৰাকী ব্যক্তি, ৰঙিয়াৰ ৰে'লৱে কলনীৰ কোনো লোকৰ ঘৰত উপস্থিত হোৱাৰ পিচতে, ৰে'ল বিভাগে তেওঁলোকক কোৱাৰেণ্টাইনলৈ প্ৰেৰণ কৰে । লোক দুগৰাকী ৰেড জ'ন অধ্যুষিত বঙাইগাঁও জিলাৰ পৰা আহিছিল ।
ৰঙিয়াত COVID-19 আক্ৰান্তৰ সৈতে পৰোক্ষ সম্পৰ্ক থকা দুগৰাকী লোকক কোৱাৰেণ্টাইন
লোক দুগৰাকীৰ উপস্থিতিৰ বিষয়ে গম পোৱাৰ লগে লগে চুবুৰীয়া লোকে ততাতৈয়াকৈ ৰে'ল বিভাগক অৱগত কৰে । যাৰ পৰিপ্ৰেক্ষিতত শনিবাৰে দিনৰ ভাগত ৰে'ল আৰক্ষী আৰু স্বাস্থ্যকৰ্মী আহি দুয়োগৰাকী লোককে কোৱাৰেণ্টাইনলৈ প্ৰেৰণ কৰে । উল্লেখ্য যে, বঙাইগাঁৱত COVID-19ত আক্ৰান্ত লোকগৰাকীৰ পুত্ৰৰ কৰ্মস্থানত একেলগে কাম কৰিছিল লোক দুগৰাকীয়ে । বৰ্তমান সেই সেই কৰ্মস্থানৰ প্ৰতিগৰাকী কৰ্মকৰ্তাকে কোৱাৰেণ্টাইনত ৰখা হৈছে ।
লগতে পঢ়কঃ কাৰ্টুনিষ্ট নিতুপৰ্ণ ৰাজবংশীৰ কৰ'ণা সজাগতামূলক কাৰ্টুনৰাজি
