ৰঙিয়া,31 আগষ্টঃ ৰঙিয়াৰ হছঙত দাবী কৰা ধন নিবলৈ অহা দুই এনডিএফবিৰ কেডাৰক আটক কৰিবলৈ সক্ষম হয় আৰক্ষীয়ে । ধৃত এনডিএফবি দুজনৰ পৰা এটা পিষ্টল ,দুই ৰাউণ্ড সজীৱ গুলী উদ্ধাৰ কৰে । আটকাধীন এনডিএফবি দুজন বাক্সাৰ মুছলপুৰৰ নিখিল কুমাৰ বসুমতাৰী আৰু পূৱ জেংৰেংপাৰাৰ ডিম্বেশ্বৰ মুছাহাৰী বুলি জানিব পৰৈ গৈছে ।
ৰঙিয়াৰ হছঙত আৰক্ষীৰ জালত দুই এনডিএফবি কেডাৰ
উল্লেখ্য যে, ৰঙিয়াৰ হছঙৰ লেবেন বড়ো নামৰ লোক জনক ধন দাবী কৰিছিল ধৃত এনডিএফবি সদস্য দুজনে । দাবী কৰা ধন নিবলৈ অহাত পূৰ্বৰ পৰা খাপ পিটি থকা ৰঙিয়া আৰক্ষীয়ে এনডিএফবি দুজনক আটক কৰিবলৈ সক্ষম হয়। দুয়োজনে প্ৰথমে পলাবলৈ চেষ্টা কৰাত আৰক্ষীয়ে শূণ্যলৈ গুলী চলাই আটক কৰে এন ডি এফৰ কেডাৰ দুজনক ।
লগতে পঢ়ক- সাংবাদিকক দু ব্যৱহাৰ, ম'বাইল দলিয়াই ডিলিট কৰিলে ভিডিঅ' !
