বিয়লি তিনি বজাৰ শীৰ্ষ দহ বাতৰি...

বিয়লি তিনি বজাৰ শীৰ্ষ দহ বাতৰি...

বটদ্ৰৱাৰ ৰামপুৰ সত্ৰ গাঁৱৰ এজন বিশেষ ভাৱে সক্ষম যুৱকৰ প্ৰেৰণা দায়ক কাহিনী ৷ চাৰিবছৰ পূৰ্ৱে এক পথ দুৰ্ঘটনাৰ ফলত পংগুত্বৰ জীৱন আঁকোৱালি ল’বলগীয়া হৈছিল মফিজুল নামৰ যুৱকজনে ৷

বৃহস্পতিবাৰে তিনিচুকীয়াত উৎকোচ লোৱাৰ সময়ত হাতে-লোটে ধৰা পৰে আবকাৰী অধীক্ষক মানস জ্যোতি দাস ৷ আবকাৰী অধীক্ষকগৰাকীৰ কক্ষতে দাসক মাৰাথন জেৰা চলাই দুৰ্নীতি নিবাৰক শাখাই ৷

ৰাজ্যৰ ছয় খন জিলাৰ বাবে 24 হাজাৰ নতুন ক’ভেক্সিন ৷ শোণিতপুৰ জিলাত ৭ মে'ৰ পৰা আৰম্ভ হ’ব 18 বছৰৰ পৰা 44 বৰ্ষৰ লোকৰ বাবে প্ৰদান কৰিবলগীয়া ক’ভিড-19ৰ প্ৰতিষেধক ৷

ৰাজ্যৰ ৰাজনীতিত অব্যাহত আছে মুখ্যমন্ত্ৰীকেন্দ্ৰীক চৰ্চা ৷ মুখ্যমন্ত্ৰী পদৰ শপত গ্ৰহণৰ বাবে ইতিমধ্যে সাজু হৈছে ৰাজভৱন ৷ কিন্তু এতিয়াও নিশ্চিত হোৱা নাই, প্ৰকৃতাৰ্থত কোনে অলংকৃত কৰিব আগন্তুক পাঁচ বছৰৰ বাবে অসমৰ মুখ্যমন্ত্ৰীৰ আসন ৷

প্ৰাক্তন কেন্দ্ৰীয় মন্ত্ৰী মাতংগ সিঙৰ শেষ নিশ্বাস ত্যাগ ৷ প্ৰাপ্ত তথ্য অনুসৰি, ক'ভিড-19 ত আক্ৰান্ত হৈ প্ৰাক্তন কেন্দ্ৰীয় মন্ত্ৰী গৰীকয়ে মৃত্যুক আঁকোৱালি লয় ৷

ৰঙাপৰাত ডাকঘৰৰ এগৰাকী কৰ্মচাৰী ক'ভিডত আক্ৰান্ত ৷ বন্ধ হ’ল ডাকঘৰৰ নিয়মীয়া কাম-কাজ ৷

ৰূপহীহাটত ৰহস্যজনকভাৱে উদ্ধাৰ এগৰাকী মহিলাৰ মৃতদেহ ৷ পৰিয়ালৰ লোকে হত্যা কৰাৰ সন্দেহ মহিলাগৰাকীৰ পৰিয়াল বৰ্গৰ ৷ আই পি এল জুৱাৰ বাবেই মহিলাগৰাকীক হত্য়া কৰাৰ সন্দেহ ৷

শোণিতপুৰত পুনৰ ভূঁইকম্পৰ জোকাৰণি

যোধপুৰ কেন্দ্ৰীয় কাৰাগাৰত আজীৱন কাৰাদণ্ডৰে দণ্ডিত আশাৰাম বাপু মহামাৰী কৰ'ণা ভাইৰাছত আক্ৰান্ত । আক্ৰান্ত হোৱাৰ পাচত যোধপুৰৰ এমডিএম চিকিৎসালয়ৰ জৰুৰীকালীন ৱাৰ্ডলৈ স্থানান্তৰিত কৰা হয় ।

বৃহস্পতিবাৰে গোলাঘাটৰ মেৰাপানীত জব্দ 13 খনকৈ অবৈধ শিল ভৰ্তি ড্ৰাম্পাৰ ৷ নথি-পত্ৰ জালিয়াতিৰে সৰুপানীৰ পৰা শিল কঢ়িয়াই আনিছিল ডাম্পাৰ কেইখনে ৷