ৰঙিয়া, 14 জুন : কৰ'ণা আতংকৰ মাজতে ৰঙিয়াত এখন ব্যক্তিগত বিদ্যালয়ত চোৰে চলালে চাফাই অভিযান । ৰঙিয়াৰ জয়ন্তীপুৰ বিদ্যা নিকেতনৰ পৰা চোৰে লৈ গ'ল ২৭ খন ফেন আৰু পানী তোলা মটৰ । লগতে বিদ্যালয়ৰ গুৰুত্বপূৰ্ণ নথি পত্ৰ লণ্ডভণ্ড কৰিলে দুৰ্বৃত্তই । বিদ্যালয়খনৰ চিলিং ভাঙি চোৰে প্ৰৱেশ কৰে ভিতৰলৈ । বিদ্যালয়ত প্ৰৱেশ কৰি ২৭ খন ফেনসহ পানীৰ পাম্প লৈ উধাও হয় চোৰে ।
সোমবাৰে আবেলিহে বিদ্যালয়ত চুৰি হোৱা কাৰ্য পোহৰলৈ আহে । বিদ্যালয়ৰ প্ৰধান শিক্ষকগৰাকীয়ে বিদ্যালয়ৰ কাষেৰে গৈ থকা অৱস্থাত বিদ্যালয়ৰ চিলিং ভাঙি থকা অৱস্থাত প্ৰত্যক্ষ কৰে । প্ৰধান শিক্ষকগৰাকীৰ সন্দেহ ওপজাত বিদ্যালয়ৰ ভিতৰত সোমাই আৰু প্ৰত্যক্ষ কৰে চুৰি কাৰ্য সংঘটিত হোৱাৰ কথা । আবেলিৰ ভাগত বিদ্যালয় কৰ্তৃপক্ষই বিদ্যালয়খনত চুৰি হোৱাৰ সন্দৰ্ভত অৱগত হোৱাত এক হুলস্থুলীয়া পৰিৱেশৰ সৃষ্টি হয় ।
পিচত চুৰি কাৰ্য্যৰ সন্দৰ্ভত ৰঙিয়া আৰক্ষীক অৱগত কৰাত ৰঙিয়া আৰক্ষীৰ দল এটা বিদ্যালয়খনত উপস্থিত হৈ প্ৰাথমিক তদন্ত আৰম্ভ কৰে । শিক্ষানুষ্ঠান এখনত এনেদৰে চোৰে চাফাই অভিযান চলোৱা দুৰ্বৃত্তক অতি সোনকালে কৰায়ত্ব কৰাৰ বাবে দাবী জনাইছে ।
লগতে পঢ়ক : চৰকাৰী চাকৰি লাগে নেকি ? তিনিটা সন্তান থাকিলে নাপাব !
