বাইহাটা, 27 মে’: কুম্ভকৰ্ণ নিদ্ৰাৰ পৰা সাৰ পালে ৰাজ্যৰ শিক্ষা বিভাগ । শিক্ষা বৰ্ষৰ পাচঁ মাহ উকলি যোৱাৰ পিচতহে সম্পূৰ্ণকৈ যোগান ধৰিলে বিনামূলীয়া পাঠ্যপুথিৰ । এই ঘটনা বাইহাটা চাৰিআলিৰ কমলপুৰৰ । বিগত পাচঁ মাহে কমলপুৰ খণ্ড প্ৰাথমিক শিক্ষা বিষয়াৰ কাৰ্যালয়ৰ অন্তৰ্গত বহু কেইখন বিদ্যালয়ৰ ছাত্ৰ ছাত্ৰীয়ে সম্পূৰ্ণকৈ লাভ কৰা নাছিল বিনামূলীয়া পাঠ্যপুথি । ৰজাঘৰীয়াৰ হেমাহিৰ বাবে শিক্ষাবৰ্ষৰ মূল্যৱান পাঁচ মাহ নষ্ট হ'ল বহু কেইখন প্ৰথমিক আৰু মাধ্যমিক বিদ্যালয়ৰ ছাত্ৰ ছাত্ৰীৰ । বিনামূলীয়া পাঠ্যপুথি ছাত্ৰ ছাত্ৰীয়ে সম্পূৰ্ণকৈ নোপোৱাৰ ফলত বহু অসুবিধাৰ মাজেৰে শিক্ষাদান কৰিবলগীয়া হোৱা বুলি উল্লেখ কৰে শিক্ষকে ৷
লগতে পঢ়ক: নেহৰুলৈ শ্ৰদ্ধাঞ্জলি প্ৰধানমন্ত্ৰী নৰেন্দ্ৰ মোডীৰ
উল্লেখ্য যে, কমলপুৰ খণ্ড প্ৰাথমিক শিক্ষা বিষয়াৰ কাৰ্যালয়ৰ গাণনিক গৰাকীয়ে ছাত্ৰ ছাত্ৰীৰ অসুবিধা হোৱাৰ কথা স্বীকাৰ কৰে সংবাদ মাধ্যমৰ আগত। গাণনিক গৰাকীয়ে বিভাগীয় কৰ্তৃপক্ষক পাঠ্যপুথি যোগান দিয়াৰ বাবে আবেদ-নিবেদন কৰা বুলিও উল্লেখ কৰে ৷
