নিউজ ডেস্ক, 13 মাৰ্চ: মৰিয়নীত উপস্থিত কেন্দ্ৰীয় বস্ত্ৰ মন্ত্ৰী স্মৃতি ইৰাণী ৷ গুৱাহাটীত উপস্থিত হোৱাৰ পিছতে বৰঝাৰ বিমান বন্দৰত দলীয় কৰ্মকৰ্তাই উষ্ম আদৰণি জনায় কেন্দ্ৰীয় মন্ত্ৰী গৰাকীক ৷ বৰঝাৰৰ পৰা পোনে পোনে মৰিয়নীলৈ ৰাওনা হয় কেন্দ্ৰীয় মন্ত্ৰী গৰাকী ৷ মৰিয়নীত ৰমনী তাঁতীৰ হৈ নিৰ্বাচনী প্ৰচাৰ সভাত অংশ লৈছে বিজেপিৰ ষ্টাৰ কেম্পেইনাৰ গৰাকী ৷
ইয়াৰ পিছতে শিৱসাগৰত সুৰভী ৰাজকুঁৱৰী হৈ প্ৰচাৰ চলাব স্মৃতি ইৰাণীয়ে ৷ আনহাতে, দিনৰ 3 বজাত চামগুৰিতো বিজেপি প্ৰাৰ্থী অনিল শইকীয়াৰ হৈ প্ৰচাৰ সভাত অংশ ল’ব কেন্দ্ৰীয় বস্ত্ৰ মন্ত্ৰী গৰাকীয়ে ৷
উল্লেখ্য যে, দেওবাৰেও নিৰ্বাচনী প্ৰচাৰ সভাত অংশ লোৱাৰ বাবে অসমলৈ আহিব কেন্দ্ৰীয় প্ৰতিৰক্ষা মন্ত্ৰী ৰাজনাথ সিং ৷ দেওবাৰে দিনৰ 11.30 বজাত বিশ্বনাথ চাৰিআলিত এক জনসভাত অংশ ল’ব কেন্দ্ৰীয় মন্ত্ৰী গৰাকীয়ে ৷
ইয়াৰ পিছতেই গহপুৰ আৰু দেৰগাঁৱতো ৰাজহুৱা সভাত অংশ ল’ব ৰাজনাথ সিঙে ৷ ইয়াৰ পিছতেই বিয়লি 4.20ত পুনৰ দিল্লীলৈ উৰা মাৰিব প্ৰতিৰক্ষামন্ত্ৰী ৰাজনাথ সিং ৷
