তীব্ৰবেগী ট্ৰাকৰ খুন্দাত দক্ষিণ কামৰূপত নিহত দুই পথচাৰী

মঙলবাৰে দক্ষিণ কামৰূপৰ উপৰহালীত সংঘটিত হয় ভয়ংকৰ পথ দুৰ্ঘটনা। গোৱালপাৰাৰ পৰা গুৱাহাটী অভিমুখী কয়লা ভৰ্তি ট্ৰাক এখন তীব্ৰ বেগেৰে অহাৰ ফলতে সংঘটিত হয় দুৰ্ঘটনাটো । দুৰ্ঘটনাটোৰ ফলত দুজন পথচাৰী থিতাতে নিহত হয় ৷

আজাৰা,21 জানুৱাৰীঃ দক্ষিণ কামৰূপৰ উপৰহালীত মঙলবাৰে সংঘটিত হয় ভয়ংকৰ পথ দুৰ্ঘটনা । গোৱালপাৰাৰ পৰা গুৱাহাটী অভিমুখী কয়লা ভৰ্তি ট্ৰাক এখন নিয়ন্ত্ৰণ হেৰুৱাই পথৰ ওপৰতে বাগৰি পৰাৰ ফলত সংঘটিত হয় দুৰ্ঘটনাটো ৷ এই দুৰ্ঘটনাটোৰ ফলত দুজন পথচাৰী থিতাতে নিহত হোৱাৰ লগতে আহত হয় দুজন । নিহত লোক দুজন হৈছে-মহেন্দ্ৰ নাথ আৰু চুৰথ জামাল ৷

আহত লোক দুজনক উন্নত চিকিৎসাৰ বাবে গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰা হয় ৷ কয়লা ভৰ্তি ট্ৰাকখন তীব্ৰ বেগেৰে অহাৰ ফলতে সংঘটিত হয় দুৰ্ঘটনাটো । দুৰ্ঘটনাত পতিত হোৱা গাড়ীখনৰ নম্বৰ হৈছে AS-25EC-3412 ৷ দুৰ্ঘটনাটোৰ ফলত পথটোত তীব্ৰ যানজঁটৰ সৃষ্টি হয় ৷ কিন্তু ঘটনাস্থলীত পলাশবাৰী আৰক্ষী উপস্থিত হৈ ততালিকে পথছোৱা মুকলি কৰি দিয়ে।

লগতে চাওকঃএছিয়া বুক অফ ৰেকৰ্ডছত স্থান লাভ বৰপথাৰৰ যুৱকৰ