ৰত্নাকৰ চাবলৈ দৰ্শকৰ পাৰভঙা উচাহ

ৰঙিয়াত ৰত্নাকৰ চাবলৈ উপস্থিত মোহময়ী অভিনেত্ৰী প্ৰস্তুতি পৰাশৰ ৷ গোলাঘাটৰ গোল্ড ছবিগৃহত ৰত্নাকৰ চাবলৈ উপস্থিত হয় ৰত্নাকৰৰ অভিনেতা পদ্মৰাগ গোস্বামী ৷

ৰঙিয়া, গোলাঘাট, 12 অক্টোবৰঃ ৰঙিয়াত ৰত্নাকৰ চাবলৈ উপস্থিত মোহময়ী অভিনেত্ৰী প্ৰস্তুতি পৰাশৰ ৷ ৰঙিয়াৰ ডিলাইট গোল্ড ছবিগৃহত অসমৰ ভ্ৰাম্যমাণ থিয়েটাৰ আবাহনৰ কলা-কুশলীৰ লগত ৰত্নাকৰ উপভোগ কৰে বিশিষ্ট অভিনেত্ৰী গৰাকীয়ে ৷ ছবিখনৰ কলা-কুশলীক ভূয়সী প্ৰশংসা কৰি ৰত্নাকৰ অসমীয়া ৰাইজলৈ এক অনবদ্য উপহাৰ বুলি উল্লেখ কৰে ৷ লগতে তেওঁ কয় যে এনে চিনেমাই আৰু অধিক ভাল চিনেমা বনাবলৈ দুগুণ উৎসাহিত কৰিব ৷ যতীন বৰাৰ লগত পৰৱৰ্তী ছবিত অভিনয় কৰাৰ মনৰ কথাৰ লগতে নিজাববীয়াকৈ এখন ছবি নিৰ্মাণ কৰাৰ কথাও উল্লেখ কৰে অভিনেত্ৰীগৰাকীয়ে ৷ লগতে সকলো ৰাইজকে ৰত্নাকৰ চাবলৈ আহ্বান জনালে অভিনেত্ৰী প্ৰস্তুতি পৰাশৰে ৷

ইফালে, গোলাঘাটৰ গোল্ড ছবিগৃহত ৰত্নাকৰ চাবলৈ উপস্থিত হয় ৰত্নাকৰৰ অভিনেতা পদ্মৰাগ গোস্বামী ৷ নিজ কণমানি কন্যাৰ লগত ৰত্নাকৰ চাবলৈ উপস্থিত হোৱা অভিনেতা পদ্মৰাগ গোস্বামীৰ লগত ছেলফি ল'বলৈ হেতা-ওপৰা কৰে দৰ্শকে ৷ ছবিখনত ৰাকেশ নামৰে মুখ্য ভিলেনৰ চৰিত্ৰত অভিনয় কৰিছে পদ্মৰাগ গোস্বামীয়ে । গোলাঘাটত দৰ্শকৰ ভিৰ দেখি অভিভূত হোৱা অভিনেতাজনে গোলাঘাট ৰক্স, ৰত্নাকৰ ৰত্নাকৰ বুলি অভিহিত কৰে ৷