ৰঙিয়া, 18 জুলাই : ক’ভিড মহামাৰীৰ বাবে বিগত কিছুদিনৰ পৰা বন্ধ হৈ আছিল ৰঙিয়া-মূৰ্কঙচেলেক পেচেঞ্জাৰ ৷ ক'ভিডৰ দ্বিতীয় ঢৌৰ বাবে ৰে’লবিভাগে চলাচল স্থগিত ৰাখিছিল এই পেচেঞ্জাৰ ৰে’লখন । 20 জুলাই মঙলবাৰৰ পৰা মূৰ্কঙচেলেকৰ পৰা ৰঙিয়ালৈ চলিব এই ৰে’লখন । ক'ভিডৰ দ্বিতীয় ঢৌৰ বাবে ৰে’লবিভাগে চলাচল স্থগিত ৰাখিছিল এই পেচেঞ্জাৰ ৰে’লখনৰ ।
উল্লেখ্য যে, যাত্ৰীৰ সুবিধাৰ্থে প্ৰতিদিনে এতিয়া পুনৰ চলিব ৰঙিয়া-মূৰ্কঙচেলেক পেচেঞ্জাৰ ৰে'লখন । এই কথা সদৰি কৰিছে উত্তৰ-পূৱ-সীমান্ত ৰে'লৱেৰ (NF Railway) প্ৰৱন্ধক ভি এ মালেগাওকাৰে । ইফালে 2023ৰ ভিতৰতে শৰাইঘাটত হ’ব দ্বিতীয় খন ৰে'ল দলঙ । বঙাইগাঁৱৰ পৰা ৰঙিয়া হৈ গুৱাহাটী লৈ ৰে’লপথ দ্বৈতকৰণৰ সমান্তৰালভাৱে নিৰ্মাণ হৈ উঠিব দ্বিতীয় খন ৰে’ল দলং ।
ইপিনে উত্তৰ-পূৱ-সীমান্ত ৰে'লৱেৰ (NF Railway) নিৰ্মাণ বিভাগে এই সন্দৰ্ভত সকলো কাম পৰ্যবেক্ষণ কৰি আছে বুলি জনাইছে ডি আৰ এম (DRM) গৰাকীয়ে ৷
লগতে পঢ়ক:যোৰহাবাসীৰ বাবে সকাহ: প্ৰথমবাৰলৈ হ্ৰাস ক’ভিড সংক্ৰমণৰ হাৰ
