ৰঙিয়া,30এপ্ৰিলঃ এপিডব্লিউৰ সভাপতি অভিজিৎ শৰ্মাই এক সংবাদমেল যোগে ৰঙিয়াৰ বিধায়ক ভবেশ কলিতাৰ বিৰুদ্ধে অনা এক অভিযোগৰ বিৰুদ্ধে মঙলবাৰে পাছবেলা ৰঙিয়াৰ হৰদত্ত-বীৰদত্ত ভৱনৰ সন্মুখত ৰঙিয়াৰ ৰাইজে প্ৰতিবাদ সাব্যস্ত কৰে। ৰাজপথত অভিজিৎ শৰ্মা গ' বেক ধ্বনি দি ৰাইজে অভিজিৎ শৰ্মাৰ প্ৰতিমূৰ্তি দাহ কৰে। উল্লেখ্য যে দুদিন পূৰ্বে এপিডব্লিউৰ সভাপতি অভিজিৎ শৰ্মাই এক সংবাদমেল যোগে ৰঙিয়াৰ বিধায়ক ভবেশ কলিতাই চাকৰি প্ৰাৰ্থীৰ পৰা চাকৰি দিবলৈ উৎকোচ লোৱা বুলি অভিযোগ উত্থাপন কৰিছিল। যাৰ পৰৱৰ্তী সময়ত ভবেশ কলিতাই মঙলবাৰৰ দিনৰ দুই বজালৈ সেই অভিযোগৰ সত্যতা প্ৰমাণ কৰিবলৈ তেওঁক সময় দিছিল। কিন্তু এই পৰ্যন্ত অভিজিৎ শৰ্মাই একো প্ৰত্যুত্তৰ দিবলৈ সক্ষম নহ'ল। ইপিনে প্ৰতিবাদী ৰাইজে অভিজিৎ শৰ্মাক সত্যতা নোহোৱা এনে কোনোধৰণৰ মন্তব্য দুনাই নকৰিবলৈও সকীয়াই দিয়ে ৷
ৰঙিয়াত এপিডব্লিউৰ সভাপতি অভিজিৎ শৰ্মাৰ বিৰুদ্ধে ৰাইজৰ প্ৰতিবাদ
