হোমেন বৰগোহাঞিৰ মৃত্যুত ৰঙিয়া প্ৰেছ ক্লাবৰ শোক প্ৰকাশ

বৃহস্পতিবাৰে বিশিষ্ট সাহিত্যিক, সাংবাদিক তথা অসম সাহিত্য সভাৰ প্ৰাক্তন সভাপতি হোমেন বৰগোহাঞিলৈ শ্ৰদ্ধা নিবেদন কৰে ৰঙিয়া প্ৰেছ ক্লাবৰ সদস্যসকলে ৷ তেখেতৰ বিয়োগ অসমীয়া সাহিত্য, সংবাদক্ষেত্ৰ আৰু সমাজ জীৱনৰ বাবে অপূৰণীয় ক্ষতি বুলি দুখ প্ৰকাশ কৰে ৰঙিয়া প্ৰেছ ক্লাবৰ সদস্যসকলে ৷

ৰঙিয়া,13 মে': অসমৰ বিশিষ্ট সাহিত্যিক, সাংবাদিক তথা অসম সাহিত্য সভাৰ প্ৰাক্তন সভাপতি হোমেন বৰগোহাঞিৰ মৃত্যুত ৰঙিয়া প্ৰেছ ক্লাবৰ গভীৰ শোক প্ৰকাশ ৷ বৃহস্পতিবাৰে ৰঙিয়া প্ৰেছ ক্লাবত আয়োজন কৰা এক অনুষ্ঠানত বিশিষ্ট সাহিত্যিক গৰাকীক শ্ৰদ্ধাঞ্জলি জনায় ক্লাবৰ সদস্যসকলে ৷ শ্ৰদ্ধাঞ্জলি অনুষ্ঠানটোৰ আঁত ধৰে ৰঙিয়া প্ৰেছ ক্লাবৰ সভাপতি অঞ্জন পাটোৱাৰীয়ে ৷ ক'ভিড নীতি-নিৰ্দেশনাৰ মাজেৰে অনুষ্টুপীয়াকৈ আয়োজন কৰা অনুষ্ঠানত বিশিষ্ট সাহিত্যিক গৰাকীৰ প্ৰতিচ্ছবিত মাল্যৰ্পণ, বন্তি প্ৰজ্বলন কৰাৰ লগতে তেখেতৰ আত্মাৰ সদগতিৰ বাবে এক মিনিট সময় মৌন ব্ৰত পালন কৰা হয় ৷

আত্মাৰ চিৰশান্তি কামনা কৰি ৰঙিয়া প্ৰেছ ক্লাবৰ সাংবাদিকসকলে হোমেন বৰগোহাঞিৰ বিয়োগ অসমীয়া সাহিত্য, সংবাদ ক্ষেত্ৰ আৰু সমাজ জীৱনৰ বাবে অপূৰণীয় ক্ষতি বুলি দুখ প্ৰকাশ কৰে ৷

লগতে পঢ়কঃ নতুন চৰকাৰক লৈ আশাবাদী আহোম জাতীয় গণ মঞ্চ