বকো, 19 মাৰ্চ: উৱলি যোৱা বেৰ, মূধচৰে আকাশ দেশা পোৱা এয়া কোনো ব্যক্তিৰ বাসগৃহ নহয় ৷ প্ৰকৃততে এয়া ৰাজ্যৰ এটা স্বাস্থ্য কেন্দ্ৰ ৷ অসম মেঘালয় সীমান্তৱৰ্তী বকোৰ গোহালকোনাত অৱস্থিত এই স্বাস্থ্য কেন্দ্ৰটো ৷ নাই পৰ্যাপ্ত সুবিধা, নাই আন্তঃগাঁথনি ৷ উৱলি যোৱা বেৰ, ফুটা টিনপাত, মাটিৰ বাৰাণ্ডাৰে মৃতপ্ৰায় অৱস্থাত চলি আছে এই স্বাস্থ্য কেন্দ্ৰটো (Health sector of Assam) ৷ কিন্তু কানসাৰ নাই ঋণ লৈ অভিলেখ সৃষ্টি কৰি ৰাজ্যত উন্নয়ন হৈছে বুলি ঢাক-ঢোল বজোৱা হিমন্ত বিশ্ব শৰ্মা নেতৃত্বাধীন ৰাজ্যৰ বিজেপি চৰকাৰ আৰু বিয়াগোম স্বাস্থ্য বিভাগৰ (Health department of Assam) ৷
প্ৰকৃততে এয়াই ৰাজ্যৰ স্বাস্থ্যখণ্ডৰ প্ৰকৃত আৰু পুতৌজনক ছবি ৷ বকোৰ পৰা 11 কিলোমিটাৰ নিলগত অৱস্থিত এই গোহালকোনা উপ-স্বাস্থ্য কেন্দ্ৰটোৰ ওপৰত নিৰ্ভলশীল সহস্ৰাধিক লোক ৷ প্ৰাথমিক চিকিৎসা, সৰু-সুৰা অস্ত্ৰোপচৰা, মহিলাৰ প্ৰসৱ, আয়ুষ্মান ভাৰত কাৰ্ড বিতৰণ আদি সকলো কাৰ্য সম্পাদন হয় উৱলি যোৱা এই স্বাস্থ্য কেন্দ্ৰটোত ৷ কিন্তু নাই পৰ্যাপ্ত সুবিধা, নাই অস্ত্ৰোপচাৰ কক্ষ ৷ কেইদিনমান পূৰ্বে হোৱা ধুমুহাই উৰুৱাই নিলে স্বাস্থ্য কেন্দ্ৰোটৰ টিনপাত ৷ যাৰ বাবে টিনসমূহ বান্ধি কোনো কোনো মতে কাৰ্যক্ষম কৰি ৰখা হৈছে কেন্দ্ৰটো (Health sector development in Assam) ৷
লাভ কৰা তথ্য অনুসৰি, চলিত বৰ্ষত এই কেন্দ্ৰটোতে সম্পন্ন কৰা হৈছে 33 টা প্ৰসৱ ৷ তৎসত্বেও কেন্দ্ৰটোৰ উন্নয়নৰ বাবে বা আন্তঃগাঁথনি গঢ়ি তোলাৰ বাবে চকুতেই পৰা নাই বিভাগৰ ৷ স্থানীয় ৰাইজ আৰু কেন্দ্ৰটোত নিয়োগিত স্বাস্থ্য কৰ্মীয়ে চৰকাৰক বহুবাৰ আবেদন-নিবেদন কৰাৰ পাচতো চৰকাৰে প্ৰদান কৰা নাই কোনো গুৰুত্ব ৷
