পেলনীয়া সামগ্ৰীৰে স্বয়ংচালিত হেণ্ডৱাশ্ব যন্ত্ৰ নিৰ্মাণ দশম শ্ৰেণীৰ ছাত্ৰৰ

ঘৰৰ পেলনীয়া সামগ্ৰী আৰু সামান্য যন্ত্ৰপাতিৰে প্ৰতিভাসম্পন্ন ছাত্ৰ বাদলে সাজি উলিয়াইছে এটা বিশেষ মেচিন ৷ মেচিনটোৰ জৰিয়তে স্বয়ংক্ৰিয়ভাৱে হেণ্ডৱাশ্ব নিৰ্গমণ হোৱাৰ লগতে স্বয়ংক্ৰিয়ভাৱে পানী ওলাই আহে টেপেৰে ৷

ৰঙিয়া,3 জুনঃ ৰঙিয়াৰ এগৰাকী প্ৰতিভাৱান ছাত্ৰ,নাম বাদল দাস ৷ দশম শ্ৰেণীৰ ছাত্ৰ বাদলে সাজি উলিয়াইছে স্বয়ংচালিত হেণ্ডৱাশ্ব যন্ত্ৰ ৷ ৰঙিয়াৰ তুলসীবাৰী শংকৰদেৱ শিশু নিকেতনৰ দশম শ্ৰেণীৰ ছাত্ৰ বাদলে কৰ'ণা ভাইৰাছৰ ক্ষেত্ৰত ল'বলগীয়া সাৱধানতাৰ প্ৰতি লক্ষ্য ৰাখি এই স্বয়ংচালিত ছেনিটাইজাৰ নিৰ্গমণ আৰু হেণ্ডৱাশ্ব যন্ত্ৰ সাজি উলিয়াইছে । ঘৰৰ পেলনীয়া সামগ্ৰী আৰু সামান্য যন্ত্ৰপাতিৰে প্ৰতিভাসম্পন্ন ছাত্ৰ বাদলে সাজি উলিয়াইছে এই বিশেষ মেচিনটো ৷ মেচিনটোৰ জৰিয়তে স্বয়ংক্ৰিয়ভাৱে হেণ্ডৱাশ্ব নিৰ্গমণ হোৱাৰ লগতে স্বয়ংক্ৰিয়ভাৱে পানী ওলাই আহে টেপেৰে ৷

অতি কম খৰছত আৰু সীমিত সাধনেৰে এই মেচিনটো সাজি উলিয়াই দৰিদ্ৰ পৰিয়ালৰ সন্তান বাদলে নিজৰ উদ্ভাৱনী শক্তিৰ পৰিচয় দাঙি ধৰিছে ৷ ইয়াৰ পূৰ্বেও সপ্তম শ্ৰেণীতে প্ৰতিভাৱান ছাত্ৰগৰাকীয়ে পেলনীয়া সামগ্ৰীৰে এ.টি.এম মেচিন নিৰ্মাণ কৰি চমক সৃষ্টি কৰিছিল ৷

লগতে পঢ়কঃ দক্ষিণ কোৰিয়াৰ চেনিটাইজাৰ মেচিনেৰে মংগলদৈ চহৰ চেনিটাইজ