আমিনগাঁও, 23 জানুৱাৰী : নাগৰিকত্ব সংশোধনি আইন 2019, ইআইএ বাতিল আৰু অসম চুক্তি ৬ নং দফা ৰূপায়ণ দাবীত সমগ্ৰ অসম প্ৰতিবাদ অব্যাহত ৰাখিছে সদৌ অসম ছাত্ৰ সন্থাই ৷ ইয়াৰ লগত সংগতি ৰাখি আমিনগাঁৱতো শনিবাৰে অসমীয়াৰ ন্যাৰ্য প্ৰাপ্তিৰ দাবীত এক বিক্ষোভ কাৰ্যসূচী ৰূপায়ণ কৰে সদৌ কামৰূপ জিলা ছাত্ৰ সন্থাই ৷
বিক্ষোভ কাৰ্যসূচী অংশ গ্ৰহণ কৰি বিভিন্ন শাসক বিৰোধী শ্ল'গানৰে কা' বাতিল আৰু অসম চুক্তি ৬ং দফা ৰূপায়ণ দাবীত উত্তাল প্ৰতিবাদ সাব্যস্ত কৰে কামৰূপ জিলা ছাত্ৰ সন্থাৰ কৰ্মী সকলে ৷ তদুপৰি আছুৰ কৰ্মী সকলে মুখত কলা কাপোৰ বান্ধি প্ৰধানমন্ত্ৰী নৰেন্দ্ৰ মোডী আৰু গৃহমন্ত্ৰী অমিত শ্বাহৰ অসম ভ্ৰমণৰ প্ৰৱল বিৰোধীতা কৰা দেখা যায় ৷
উল্লেখ্য যে, কেন্দ্ৰীয় গৃহমন্ত্ৰী অমিত শ্বাহে নৈশ জাপন কৰা পৰিদৰ্শন বঙলাৰ সমীপতে এই প্ৰতিবাদ সাব্যস্ত কৰে আছুৱে ৷ এই বিক্ষোভ কাৰ্যসূচীত অংশগ্ৰহণ কৰে সদৌ অসম ছাত্ৰ সন্থাৰ উপ-সভাপতি প্ৰকাশ দাস আৰু সহকাৰী সাধাৰন সম্পাদক ধৰ্মেশ্বৰ দাসে ।
লগতে পঢ়ক: কা বাতিলৰ দাবীৰে মুখত ক'লা কাপোৰ বান্ধি আছুৰ বিক্ষোভ
