পুৱা 11বজাৰ শীৰ্ষ দহটা খবৰ

পুৱা 11বজাৰ শীৰ্ষ দহটা খবৰ

বৃহস্পতিবাৰে ৰাজ্যবাসীক ভোগালী বিহুৰ ওলগ জনায় মুখ্যমন্ত্ৰী সৰ্বানন্দ সোণোৱালে ৷ ডিব্ৰুগড়ৰ লক্ষ্মীনগৰস্থিত নিজ গৃহত মেজি জ্বলাই অশুভ শক্তি, অপায় অমঙ্গল মেজিৰ জুয়ে পুৰি নাশ কৰক বুলি কামনা কৰে অসমৰ মুখ্যমন্ত্ৰী সৰ্বানন্দ সোণোৱালে ।

কোকৰাঝাৰত ভাৰত-ভূটান সীমান্তত উত্তেজনা ৷ বনাঞ্চলৰ ভূমি দখল কৰিবলৈ অহাক কেন্দ্ৰ কৰি বুধবাৰে উল্টাপানী আৰু সৰলপাৰাৰ মাজৰ গোৰাই বজাৰ অঞ্চলত বনৰক্ষী আৰু বন বেদখলকাৰীৰ মাজত সংঘাতৰ সৃষ্টি ৷ বন বেদখলকাৰীৰ আক্ৰমণত 6 গৰাকী বনৰক্ষী আহত ৷ বেদখলকাৰীয়ে ভাঙি চূড়মাৰ কৰিলে বনকৰ্মীৰ গাড়ী ৷ পৰিস্থিতি নিয়ন্ত্ৰণ কৰিবলৈ 50 জাঁইৰো অধিক শূন্যলৈ গুলিচালনা ৷

বুধবাৰে শক্তিশালী ৰূপত আত্মপ্ৰকাশ কৰে বিজেপিয়ে ৷ পাটাছাৰকুছি সমষ্টিত প্ৰথমবাৰৰ বাবে আত্মপ্ৰকাশ ঘটালে বিজেপিৰ সম্ভাৱ্য প্ৰাৰ্থী তথা ৰাজ্যিক বিজেপিৰ সভাপতি ৰঞ্জিত কুমাৰ দাসে ৷

কৰ্মব্যস্ততাৰ মাজতে মৰিগাঁও জালুগুটিৰ আৰক্ষী চকীৰ জোৱান সকলে উৰুকাৰ নিশা বিহু গীতৰ তালে-তালে নাচি-বাগি উদযাপন কৰিলে হেঁপাহৰ উৰুকা ।

বৃহস্পতি বাৰে প্ৰতিৰক্ষা মন্ত্ৰী ৰাজনাথ সিঙে অংশগ্ৰহণ কৰিব সশস্ত্ৰ বাহিনীৰ ভেটেৰানচ দিৱস উপলক্ষে আয়োজিত এক অনুষ্ঠানত ৷ প্ৰতিৰক্ষা মন্ত্ৰী গৰাকীৰ সৈতে এই অনুষ্ঠানত উপস্থিত থাকিব চীফ অৱ ডিফেঞ্চ ষ্টাফ জেনেৰেল বিপিন ৰাৱাট ৷

মৈৰাবাৰী বজাৰৰ জোতা-চেণ্ডেলৰ বিপনীত অগ্নিকাণ্ড

মৈৰাবাৰী বজাৰৰ জোতা-চেণ্ডেলৰ বিপনীত বুধবাৰে নিশা সংঘটিত হয় এক ভয়ংকৰ অগ্নিকাণ্ড ৷ অগ্নিকাণ্ডত ক্ষতিগ্ৰস্ত হৈছে লক্ষাধিক টকাৰ সম্পত্তি ৷ বৰ্তমানলৈকে অগ্নিকাণ্ডৰ কাৰণ জানিব পৰা হোৱা নাই ৷

বুধবাৰে গুৱাহাটীত ৰাজ্য চৰকাৰৰ উচ্চ পদস্থ বিষয়াৰে বৈঠকত মিলিত হয় নিৰ্বাচনী আয়োগৰ ৬ জনীয়া বিষয়াৰ দলে । আগন্তুক বিধানসভা নিৰ্বাচনৰ প্ৰস্তুতি সন্দৰ্ভত আলোচনা কৰা হয় বৈঠকখনত ।

কাছাৰ জিলাৰ কাশিপুৰত উৰুকা দিনাই সংঘটিত হয় এক চাঞ্চল্যকৰ হত্যাকাণ্ডৰ ঘটনা ৷ নিপেন্দ্ৰে ঘোষ নামৰ এজন লোকক ঘপিয়াই হত্যা কৰে অচিনাক্ত লোকে ৷ লোকজনৰ ঘৰ কাশিপুৰ দ্বিতীয় খণ্ডত বুলি জানিব পৰা গৈছে ৷

সমগ্ৰ দেশবাসীক লোহৰীৰ শুভেচ্ছা জ্ঞাপন কৰে প্ৰধানমন্ত্ৰী নৰেন্দ্ৰ মোদীয়ে ৷ লোহৰীৰ শুভেচ্ছা জনাই সকলোৰে সুস্বাস্থ্য কামনা কৰে প্ৰধানমন্ত্ৰীগৰাকীয়ে ৷

ট্ৰাম্পৰ সমৰ্থকে আমেৰিকাৰ সাংসদ ভৱন ক্ষতিগ্ৰস্ত কৰাৰ বিৰোধিতাৰে নেপালত প্ৰতিবাদ কৰি আৰক্ষীৰ ৰোষত পৰিল প্ৰতিবাদকাৰী ৷ প্ৰতিবাদকাৰীক আৰক্ষীয়ে আটক কৰা ঘটনাৰ বাবে আৰক্ষী আৰু প্ৰতিবাদকাৰীৰ মাজত হয় বাক-বিতণ্ডাও ৷