1. পৰিৱেশ প্ৰভাৱ সম্পৰ্কীয় খচৰাই উত্তাল কৰিছে উত্তৰ-পূৰ্বাঞ্চল
কেন্দ্ৰীয় চৰকাৰৰ পৰিবেশ, বন আৰু জলবায়ু পৰিবৰ্তন মন্ত্ৰণালয়ে এনভায়ৰমেন্ট ইম্পেক্ট এছেছমেন্ট (EIA) সন্দৰ্ভত কেতবোৰ নতুন নীতি জাৰি কৰা জাননীয়ে ইতিমধ্যে উত্তৰ-পূৰ্বাঞ্চলৰ ৰাজ্যত তীব্ৰ প্ৰতিক্ৰিয়াৰ সৃষ্টি কৰিছে ।
2. বানাক্ৰান্তক দুৰ্ব্যৱহাৰ বিধায়ক বলিন চেতিয়াৰ
গৰাখহনীয়া ৰোধ কৰাৰ উদ্দেশ্যে কুণ্ডিল নৈৰ গতিপথ সলাবলৈ অহৰ্নিশে কাম কৰি থকা বিভিন্ন জনগোষ্ঠীৰ সংগঠনৰ কৰ্মীৰ লগতে ৰাইজৰ লগত স্থানীয় বিধায়ক বলিন চেতিয়াৰ বাক-বিতণ্ডা ৷ জনগোষ্ঠীয় সংগঠনৰ সহযোগত ৰাইজে নদীখনৰ গতি পথ সলাবৰ বাবে কাম কৰি থকাৰ মাজতে সোমবাৰে হঠাৎ উপস্থিত হয় বলিন চেতিয়াৰ লগতে বিধায়কজনৰ একাংশ সাংগোপাংগ ৷
3. ক্ৰমাৎ অধিক মজবুত হৈছে ভাৰত-ভূটানৰ সম্পৰ্ক
শেহতীয়াকৈ ভূটানৰ নৃপতিয়ে অসমৰ মুখ্যমন্ত্ৰী সৰ্বানন্দ সোণোৱাললৈ প্ৰেৰণ কৰিছে এখন পত্ৰ ৷ লক ডাউনৰ সময়ছোৱাত অসমে গ্ৰহণ কৰা ইতিবাচক ভূমিকাক শলাগ লোৱা হৈছে এই পত্ৰত ৷ এই পত্ৰই প্ৰমাণ কৰিছে অসমৰ সৈতে চুবুৰীয়া ৰাজ্য ভূটানৰ সুমধুৰ সম্পৰ্কৰ কথা ৷
4. সুধাকণ্ঠৰ সহশিল্পী গিয়াছুদ্দিন আহমেদৰ দেহাৱসান
সোমবাৰে আমগুৰি গাঁও মায়াচুকৰ বাসভৱনত দেহাৱসান ঘটে সুধাকণ্ঠৰ একালৰ সহযোগী গিয়াছুদ্দিন আহমেদৰ ৷ মৃত্যুৰ সময়ত তেওঁৰ বয়স আছিল ৮২ বছৰ ৷
5. মাদাৰপুৰ গাঁৱৰ মাজেৰে গতি সলালে আই নদীয়ে : পানীৰ তলত সমগ্ৰ গাঁও
চিৰাঙৰ মাদাৰপুৰ গাঁৱত আই নদীৰ বান আৰু গৰাখহনীয়াৰ তাণ্ডৱ । বান্ধ ছিগি গাঁৱৰ মাজেৰে আই নদীৰ পানী সোমোৱাৰ ফলত দুশৰো অধিক পৰিয়ালৰ ঘৰ আই নদীৰ খহনীয়া আৰু বানত বিলীন হৈ পৰিছে । কেইবাশ বিঘা কৃষিভূমি এতিয়া নদীৰ খহনীয়াত হ'ল নিশ্চিহ্ন ।
6. ৰঙিয়াত বানাক্ৰান্তক সহায়ৰ হাত শিল্পীৰ
বান সাহাৰ্য লৈ ৰঙিয়াৰ বান বিধ্বস্ত অঞ্চলত উপস্থিত হ'ল শিল্পীৰ এটা দল । পুঠিমাৰী নৈৰ মথাউৰি ছিঙি সৰ্বস্বান্ত হোৱা বগৰীবাৰীত ৰাইজৰ মাজত সোমবাৰে সাহাৰ্য সামগ্ৰী বিতৰণ কৰিলে দলটোৱে ।
7. চিলাপথাৰত উপস্থিত মন্ত্ৰী পীয়ুয হাজৰিকা
সোমবাৰে অসম চৰকাৰৰ মন্ত্ৰী পীয়ুয হাজৰিকা আৰু লখিমপুৰ লোকসভা সমষ্টিৰ সাংসদ প্ৰদান বৰুৱা চিলাপথাৰত উপস্থিত হয় ৷ উক্ত অঞ্চলত উপস্থিত হৈ 25 হাজাৰ প্ৰধানমন্ত্ৰী আৱাস যোজনা গৃহৰ নিৰ্মাণৰ আধাৰশিলা স্থাপন কৰে মন্ত্ৰীগৰাকীয়ে ৷
8. ৰাজ্যজুৰি কংগ্ৰেছৰ প্ৰতাৰণা দিৱস উদযাপন
সোমবাৰে ৰাজ্যজুৰি প্ৰধান বিৰোধী দল কংগ্ৰেছে বিজেপি চৰকাৰৰ বিৰুদ্ধে পালন কৰে প্ৰতাৰণা দিৱস প্ৰতিবাদী কাৰ্যসূচী ৷ ৰাজ্যৰ বঙাইগাঁওকে ধৰি বিশ্বনাথ, নগাঁও, কলিয়াবৰ, নাজিৰাতো ব্যাপক প্ৰতিবাদ ৷
9. তেজপুৰত ঘৰে ঘৰে হ’ব ক’ভিড-19ৰ পৰীক্ষা
4 আগষ্টৰ পৰা 6 আগষ্ট পৰ্যন্ত তেজপুৰ চহৰৰ ৱাৰ্ড নং 9, 13, 14 আৰু 15 ত ঘৰে ঘৰে গৈ ৰেপিড এন্টিজেন টেষ্ট কৰাৰ বাবে বিশেষ স্বাস্থ্য কৰ্মীৰ দল নিয়োগ কৰিছে ।
10. ডিমা হাছাওত পথ দুৰ্ঘটনাত থিতাতে নিহত হয় এজন লোক
ডিমা হাছাও জিলাত পথ দুৰ্ঘটনাত থিতাতে নিহত হয় এজন লোক । এই পথ দুৰ্ঘটনাটো সংঘটিত হয় লামডিং-শিলচৰ 27 নম্বৰ ৰাষ্ট্ৰীয় ঘাইপথৰ লাইলিঙত ।
