গুৱাহাটী , 21 মে' : বিগত 2017-18 বৰ্ষত বানে ৰে'লপথ আৰু দলঙৰ ক্ষতিসাধন কৰাৰ বাবে কেইবাদিনো বহিঃ ৰাজ্যৰ লগত সংযোগ বিছিন্ন হৈ পৰিছিল অসম তথা উত্তৰ-পূব সীমান্ত ৰেলৱেৰ অধীনস্থ অঞ্চলসমূহৰ । এনে অচলাৱস্থাৰ যাতে পুনৰাবৃত্তি নহয় তাৰ প্ৰতি লক্ষ্য ৰাখি ৰেল বিভাগে লৈছে এই বিশেষ পদক্ষেপ ৷ বাৰিষা বিভিন্ন প্ৰাকৃতিক দুৰ্যোগ আৰু ৰে'ল লাইনৰ কাষত খহনীয়া নিয়ন্ত্ৰণৰ বাবে বিশেষ তহলদাৰী দল নিয়োগ কৰিছে উত্তৰ পূব সীমান্ত ৰে'লৱে ।
প্ৰাকৃতিক দুৰ্যোগেৰে মোকাবিলা কৰিবলৈ উঃপূঃসীমান্ত ৰেলৱেৰ বিশেষ দল
প্ৰাকৃতিক দুৰ্যোগৰ সৈতে মোকাবিলা কৰিবলৈ নিয়োগ কৰা হৈছে 1600 কৰ্মচাৰীৰে এটা বিশেষ দল । এই দলটো সম্পূৰ্ণ আধুনিক প্ৰযুক্তিৰ সষ্টম থাকিব যিকোনো পৰিস্থিতিৰেই মোকাবিলা কৰিবলৈ ৷ উত্তৰ পূৰ্বাঞ্চল , পশ্চিমবংগ আৰু বিহাৰৰ মুঠ 6400 কিলোমিটাৰ ৰেল পথত নিৰীক্ষণ কৰিব এই দলটোৱে ।
