আজাৰা,7 ফেব্ৰুৱাৰীঃ বিটিআৰৰ বিজয় উৎসৱলৈ অহা প্ৰধানমন্ত্ৰী নৰেন্দ্ৰ মোডীক বৰঝাৰ বিমানবন্দৰত সাক্ষাৎ কৰে সাংসদ নৱ শৰণীয়াই ৷ এফালে বিটিআৰৰ বিজয় উল্লাস আনফালে বি টি আৰত বাস কৰা ৭০ শতাংশ অবড়ো লোকৰ মনৰ ভাষা চৰকাৰে আওকাণ কৰা বাবে দুখ প্ৰকাশ নৱ শৰণীয়াৰ ৷ অবড়ো লোকসকলৰ গাওঁ কৰ্তন, ৰাজনৈতিক সুৰক্ষা, জনজাতিকৰণৰ কথা নভবাকৈ বিটিআৰ ঘোষণা কৰাৰ বাবে আক্ষেপ প্ৰকাশ কৰে সাংসদগৰাকীয়ে ৷
আনহাতে,প্ৰধানমন্ত্ৰী মোডীক বৰঝাৰ বিমানবন্দৰত কেইবাটাও দাবী সম্বলিত এখন স্মাৰক পত্ৰ প্ৰদান কৰে সাংসদ শৰণীয়াই ৷ অবড়ো লোক সকলৰ সা-সুবিধা তথা সুৰক্ষাৰ বাবে প্ৰধানমন্ত্ৰীক আহ্বান জনায় নৱ শৰণীয়াই । অহা ১২ ফ্ৰেব্ৰুৱাৰীত বিটিআৰৰ অন্তৰ্গত বিভিন্ন অবড়ো দল-সংগঠনৰ সৈতে গুৱাহাটীত ৰাজ্য চৰকাৰৰ এক বৈঠক অনুষ্ঠিত হ’ব ৷ উক্ত বৈঠকত পৰৱৰ্তী কাৰ্যসূচী সম্পৰ্কে আলোচনা কৰাৰ লগতে গৃহমন্ত্ৰী অমিত শ্বাহৰ সৈতে শীঘ্ৰে আলোচনাত মিলিত হ’বলৈ ৰাজ্য চৰকাৰক অনুৰোধ জনাব সাংসদগৰাকীয়ে ৷ বিমানবন্দৰত প্ৰধানমন্ত্ৰীক সাক্ষাৎ কৰি এই মন্তব্য প্ৰকাশ কৰে সাংসদ নৱ শৰণীয়াই ৷
লগতে চাওকঃঅসম-বংগ সীমান্তত বৃহৎ পৰিমাণৰ চিলিণ্ডাৰ জব্দ যোগান বিভাগৰ
