মিৰ্জা, 19 অক্টোবৰঃ শুকুৰবাৰে নিশা মিৰ্জাত ভয়ংকৰ পথ দূৰ্ঘটনা সংঘটিত হয় ৷ AS-01-LC-5244 নম্বৰৰ তীব্ৰ বেগী বালি ভৰ্তি ট্ৰাক খনে মিৰ্জাৰ দিশৰ পৰা গুৱাহাটী অভিমুখে গৈ থকা অৱস্থাত বিপৰীত দিশৰ পৰা অহা WB-61-A-6066 নম্বৰৰ তীব্ৰ বেগী মালবাঁহী ট্ৰাকখনৰ সৈতে মুখামুখী সংঘৰ্ষ হোৱাৰ ফলত সংঘটিত হয় দুৰ্ঘটনাটো ৷ উক্ত দুৰ্ঘটনাটোত ৪ জন লোকৰ মৃত্যু হোৱাৰ লগতে আহত হয় এজন লোক ৷ আহতলোকজনক সংকত জনক অৱস্থাত নিশাই জি এম চি এইচলৈ প্ৰেৰণ কৰা হয় ৷ মৃত লোক কেইজনৰ ৩ জন বালি কঢ়িওৱা ট্ৰাকৰ আৰু ১মালবাহী ট্ৰাকৰ বুলি জানিব পৰা গৈছে আনহাতে আহতজনও মালবাহি ট্ৰাকৰ ।
উল্লেখ্য যে, ঘটনাস্থলীত নিশাই উপস্থিত হয় পলাশবাৰীৰ আৰক্ষীৰ দল ৷ দুৰ্ঘটনাটো ইমানে ভয়ংকৰ আছিল যে মৃতদেহকেইটা টানি উলিয়াবলৈ বিশেষ উদ্ধাৰকাৰী দলৰ প্ৰয়োজন হয় ৷ পৰৱৰ্তী সময়ত মৃতদেহ কেইটা উদ্ধাৰ কৰি পলাশবাৰী থানা লৈ অনাৰ লগতে দুয়োখন গাড়ী উদ্ধাৰ কৰি পথচোৱা মোকলাই দিয়া হয় ৷
