ছয়গাঁও,১৯ জুন: কামৰূপ জিলাৰ ছয়গাঁৱৰ নিকটৱৰ্তী খাৰাভাংগাত মঙলবাৰে নিশা ৰে’লৰ খুন্দাত এজন যুৱকৰ মৃত্যু হয়। কামাখ্যা যোগীঘোপা ৰে’ল পথত এই দুৰ্ঘটনা সংঘটিত হয় ।
ছয়গাঁৱৰ খাৰাভাংগাত ৰে’লৰ খুন্দাত যুৱকৰ মৃত্যু
নিহত যুৱকজন হল ২নং আমতলা গাঁৱৰ অজন্ত কলিতা বুলি চিনাক্ত কৰা হৈছে। পিন্ধনত এটা হাফপেণ্ট আৰু গেঞ্জী পৰিহিত প্ৰায় ২৫ বছৰীয়া যুৱকজনৰ ৰে’লৰ খুন্দাত কেনেকৈ মৃত্যু হ'ল সেয়া এতিয়াও জানিব পৰা হোৱা নাই । এয়া আত্মহত্যা নে হত্যা সেয়া আৰক্ষীৰ তদন্ততহে জানিব পৰা যাব । ইপিনে নিশাই কলিতাৰ মৃতদেহটো ছয়গাঁও আৰক্ষী থানালৈ লৈ অহা হয় ৷ আজি মৃতদেহটো মৰণোত্তৰ পৰীক্ষাৰ বাবে গুৱাহাটীলৈ প্ৰেৰণ কৰা হ'ব ।
