কামৰূপ, 29 জুলাই : বাইহাটা চাৰিআলিৰ কমলপুৰৰ একমাত্ৰ মহাত্মা গান্ধী আদৰ্শ চিকিৎসালয়খন দুদিনৰ বাবে ছীল কৰিছে জিলা প্ৰশাসনে । এগৰাকী এম্বুলেঞ্চ চালকৰ দেহত ক'ভিডৰ অৱস্থিতি ধৰা পৰাৰ পাচতে প্ৰশাসনে এই সিদ্ধান্ত গ্ৰহণ কৰিছে ।
কমলপুৰ চিকিৎসালয় ছীল কামৰূপ জিলা প্ৰশাসনৰ
শেহতীয়াকৈ বৃহত্তৰ কমলপুৰত 122 জন লোকৰ দেহত ক'ভিডৰ অৱস্থিতি ধৰা পৰাত কমলপুৰতো এই ৰোগক লৈ শংকিত হৈ পৰিছে কমলপুৰীয়া ৰাইজে । 24 জুলাইৰ পৰা স্বাস্থ্য বিভাগে কমলপুৰ উচ্চতৰ মাধ্যমিক বিদ্যালয়ত ৰেপিড এন্টিজেন টেষ্টৰ ব্যৱস্থা কৰিছে । ৰাজ্যখনৰ আন আন প্ৰান্তৰ লগতে কমলপুৰতো বিপদজনকভাৱে বৃদ্ধি পাইছে ক'ভিড-19 ৰোগীৰ সংখ্যা ।
লগতে পঢ়ক : লক ডাউনঃ শিৱসাগৰত হ্ৰাস পাইছে পথ দুৰ্ঘটনাত মৃত্যুৰ সংখ্যা
