ছয়গাঁও ১৮ জুন : দক্ষিণ কামৰূপত এইবাৰ ৰাজনৈতিক নেতা-পালিনেতাৰ বিৰুদ্ধে কাঠৰ ছিণ্ডিকেটৰ অভিযোগ । বন বিভাগে তিনিখনকৈ চোৰাং কাঠ ভৰ্তি গাড়ী জব্দ কৰি আওপকীয়াকৈ স্বীকাৰ কৰিলে এই কথা । দক্ষিণ কামৰূপৰ বনাঞ্চলত অব্যাহত আছে বনাঞ্চল ধ্বংস যজ্ঞ। এইবাৰ ৰাজনৈতিক নেতা পালিনেতা নামি পৰিছে কাঠৰ চিণ্ডিকেটত । পশ্চিম কামৰূপ বন সংমণ্ডলৰ অন্তৰ্গত হাহিম লালমাটীত কাঠভৰ্তি তিনিখনকৈ গাড়ী জব্দ কৰাৰ পিছতেই ঘটনাই পুনৰবাৰ বনাঞ্চল ধ্বংসৰ ছবিখন ডাঙি ধৰিছে ৷
হাহিমৰ পৰা বকো অভিমুখে আহি থকা অৱস্থাত গোপন সূত্ৰৰ পম খেদি ধৰিবলৈ সক্ষম হয় বন বিভাগে। বনকৰ্মীক দেখি চালকসকল পলাই যায় যদিও পিচত As 18 C 0264 407 নম্বৰৰ এখন ডি আই আৰু নম্বৰ প্লেট বিহীন দুখন মুঠ তিনিখন গাড়ী বামুণীগাঁৱৰ কাৰ্যালয়লৈ লৈ আহে। ৷ গাড়ী তিনিখনত প্ৰায় দুই লাখ টকা মূল্যৰ কাঠ থকা বুলি জানিবলৈ দিয়ে বন বিভাগে।
কিন্তু দক্ষিণ কামৰূপৰ অসম-মেঘালয় সীমান্তৰ বনাঞ্চলসমূহত একাংশ বন বিষয়াৰ ছত্ৰছাঁয়াতেই চোৰাং বেপাৰীয়ে মূল্যবান গছবোৰ কাটি নিশেষ কৰিবলৈ ধৰাৰ পিছত এইবাৰ ৰাজনৈতিক নেতা-পালিনেতাই চিণ্ডিকেট চলাবলৈ ধৰাৰ কথা স্বীকাৰ কৰিলে বন বিষয়াই। এতিয়া প্ৰশ্ন হ'ল কোনে এইসকল ৰাজনৈতিক নেতা পালিনেতা । শূন্য সহনশীলতাৰ সৰ্বানন্দ সোণোৱাল চৰকাৰৰ ছত্ৰছাঁয়াতেই দলীয় নেতা-পালিনেতাই চলাইছে নেকি এই কাঠৰ চিণ্ডিকেট ৷
লগতে পঢ়ক : ধৰনীধৰ গোস্বামীক মৰণোত্তৰভাৱে প্ৰাপ্য সন্মান প্ৰদান কৰিব অসম চৰকাৰে
