বকো, ২২ এপ্ৰিল: বুধবাৰে নিশা অসম-মেঘালয় সীমান্তৱৰ্তী বকোৰ হাহিম অঞ্চলত জব্দ কৰা হয় কুণ্ডা ভৰ্তি নম্বৰ প্লেটবিহীন এখন বাহন । কামৰূপ জিলাৰ শিংৰা বনাঞ্চলিক বিষয়া আব্দুৰ ৰৌফ আহমেদৰ নেতৃত্বত এটা বন বিভাগৰ দলে অভিযান চলাই জব্দ কৰে বাহনখন । চুবুৰীয়া ৰাজ্য মেঘালয়ৰ দিশৰ পৰা অবৈধভাৱে কঢ়িয়াই অনা পমা গছৰ কুণ্ডা ভৰ্তি বাহনখন জব্দ কৰাৰ লগতে বাহনখনৰ চালক ফাৰুক আলিক আটক কৰে বন বিভাগে ।
জব্দ কৰা কুণ্ডাখিনিৰ বজাৰ মূল্য প্ৰায় ৫০ হাজাৰ টকা বুলি বন বিভাগে প্ৰকাশ কৰিছে । আনহাতে, জব্দ কৰা বাহনখন বৰ্তমান বকোস্থিত শিংৰা বনাঞ্চলিক বিষয়াৰ কাৰ্যালয়ৰ চৌহদত ৰখা হৈছে আৰু চালকজনৰ বিৰুদ্ধে গোচৰ ৰুজু কৰি জেললৈ প্ৰেৰণ কৰা হ'ব বুলি প্ৰকাশ কৰিছে বন বিষয়া আব্দুৰ ৰৌফ আহমেদে ।
.........................CHANGE THUMBNAIL..........................
লগতে পঢ়ক: মাজুলীৰ শালমৰাত ভয়ংকৰ অগ্নিকাণ্ড
