ৰঙিয়া, 4 আগষ্ট: পুঠিমাৰী নৈৰ বাঢ়নী পানীয়ে মথাউৰি ভাঙি প্ৰলয়ংকাৰী বানৰ সৃষ্টি কৰা 24 দিন পাৰ হ'ল ৷ বৰ্তমানো মথাউৰিটোৰ উক্ত ভগা অংশৰে তীব্ৰ সোঁতেৰে পানী বৈ থকাত শ শ গাঁৱত অপৰিবৰ্তিত হৈ আছে বান পৰিস্থিতি ৷ ফলত হাহাকাৰ পৰিস্থিতিৰ সৃষ্টি হৈছে বানাক্ৰান্ত ৰাইজৰ মাজত ৷ কিন্তু ইয়াৰ পাছতো জলসম্পদ বিভাগ তথা জিলা প্ৰশাসনে উপযুক্ত ব্যৱস্থা গ্ৰহণ নকৰাৰ বাবে মঙলবাৰে বানপীড়িত ৰাইজৰ সহযোগত ভগ্ন মাথাউৰিৰ ওপৰত মানৱ শৃংখলেৰে প্ৰতিবাদ সাব্যস্ত কৰে ৰঙিয়া আছুৱে ৷ প্ৰতিবাদকাৰী সকলে অসম চৰকাৰ হায় হায়, জলসম্পদ মন্ত্ৰী কেশৱ মহন্ত মুৰ্দাবাদ ধ্বনিৰে পৰিবেশ উত্তাল কৰি তোলে প্ৰতিবাদস্থলী ৷
উল্লেখ্য যে, বানাক্ৰান্ত ৰাইজক প্ৰশাসনে কেৱল দুদিনৰ বান সাহাৰ্য প্ৰদান কৰিয়েই দায়িত্ব সামৰাৰ অভিযোগ উত্থাপন কৰিছে ৰাইজে ৷ গতিকে মথাউৰিৰ ভগ্ন অংশ নিৰ্মাণ কৰাৰ লগতে বন্যাৰ্তক উপযুক্ত ক্ষতিপূৰণ আৰু পৰ্যাপ্ত বান সাহাৰ্য প্ৰদান কৰাৰ দাবী জনাই ছাত্ৰ সন্থাৰ কৰ্মী সকলে ৷
লগতে পঢ়কঃ কি হ'ব কা-আন্দোলনৰ ভৱিষ্যত ? কি কলে সংগীত শিল্পী মানস ৰবীনে ?
