পলাশবাৰী, 16 জুলাইঃ ৰাজ্যত এতিয়া কেৱল বান আৰু বান । কেওপিনে কেৱল এতিয়া বানৰ বিভীষিকা । কি উজনি কি নামনি বানৰ কৱলত এতিয়া সকলো দিশহাৰা । বুৰ যাবলৈ ধৰিছে ন ন অঞ্চল । দক্ষিণ কামৰূপৰ সাতপখলী, চিমিনা, ফুটুৰী, ৰামপুৰ, নহিৰা, গুইমাৰাৰ লগতে বকো, ছয়গাঁও আদিৰ বহুতো ঠাই বুৰ যোৱাৰ পিছত এইবাৰ বুৰিল পলাশবাৰী । পলাশবাৰীৰ গাতে লাগি থকা ব্ৰহ্মপুত্ৰৰ জলপৃষ্ঠ বৃদ্ধি হোৱাত পলাশবাৰী নগৰৰ মাজেৰে বৈ যোৱা কালভোগ নৈ এতিয়া উপচি পৰিছে । উপচি পৰা কালভোগ নৈ আাৰু ব্ৰহ্মপুত্ৰৰ বাঢ়নী পানীত এতিয়া জলমগ্ন পলাশবাৰী নগৰৰ ১ নং ৱাৰ্ড,৩ নং ৱাৰ্ড,৬নং ৱাৰ্ড,৭নং ৱাৰ্ড,ভৰালীপাৰা,পলাশবাৰী ছোৱালী হাইস্কুলকে ধৰি প্ৰায়বোৰ ঠাই । ব্ৰহ্মপুত্ৰৰ বাঢ়নী পানীয়ে নিশাটোৰ ভিতৰতে বুৰাই পেলালে বৃহৎ অঞ্চল । যাৰ ফলত এতিয়া দিশহাৰা হৈ পৰিয়ালৰ লোকে এৰিব লগা হৈছে ঠাই ।
পলাশবাৰী
