ছয়গাঁও,18 চেপ্তেম্বৰ: যিকোনো মুহুৰ্ততে ব্ৰহ্মপুত্ৰৰ বুকুত জাহ যাব পাৰে পলাশবাৰী-গুমী মথাউৰিৰ এক বৃহৎ অংশ ৷ কামৰূপ জিলাৰ ছয়গাঁও সমষ্টিৰ আমবাৰীত অব্যাহত ব্ৰহ্মপুত্ৰৰ খহনীয়াৰ ফলত এই মথাউৰি নিশ্চিহ্ন হোৱাৰ উপক্ৰম হৈছে ৷ মথাউৰিটোৰ প্ৰায় 200 মিটাৰ এলেকাত বিগত এমাহৰ পৰাই এই খহনীয়া অব্যাহত আছে ।
ব্ৰহ্মপুত্ৰৰ খহনীয়া অব্যাহত
বিভাগীয় কৰ্তৃপক্ষই গছৰ ডাল তথা বাঁহৰ পাৰ্কুপাইনৰ লগতে কিছুসংখ্যক জিঅ’ বেগেৰে এই খহনীয়া ৰোধৰ চেষ্টা চলাই থকা দেখা গৈছে ৷ কিন্তু খহনীয়াৰ তীব্ৰ ৰূপৰ প্ৰতি লক্ষ্য ৰাখি পৰিস্থিতি অধিক ভয়ংকৰ হোৱাৰ আশংকা প্ৰকাশ কৰা হৈছে ৷ লগতে পলাশবাৰী,ছয়গাঁও,বকো সমষ্টিৰ এক বিস্তৃত এলেকাৰ প্ৰতি তীব্ৰ ভাবুকিৰ সৃষ্টি হৈছে ৷ খহনীয়াৰ এই ৰূপৰ ফলত সম্প্ৰতি সংশয়ৰ মাজেৰে দিন অতিবাহিত কৰিছে নৈপৰীয়া লোকসকলে ৷
লগতে চাওকঃ বজালীলৈ সঘন আহ-যাহ বিজেপিৰ ৰাজ্যিক সভাপতিৰ
