গুৱাহাটী, 2 জুলাইঃ অসম চৰকাৰ হায় হায় ধব্বনিৰে উত্তাল দীপৰ বিলৰ পাৰ । চলন্ত ৰে'লৰ কাষত থিয় হৈ অঞ্চলবাসী ৰাইজে কৰিলে প্ৰতিবাদ । কাৰণ দ্বীপৰ বিলৰ পাৰত নিৰ্মাণ হ'বলগীয়া দ্বৈত ৰে'লপথ নিৰ্মাণৰ বিৰুদ্ধে তীব্ৰ প্ৰতিবাদ স্থানীয় লোকৰ । চলন্ত ৰে'লৰ কাষতে স্থানীয় ৰাইজে কৰিলে প্ৰতিবাদ । চৰকাৰ বিৰোধী শ্লোগানেৰে উত্তাল হ'ল দ্বীপৰ বিলৰ পাৰ । উত্তৰ-পূৰ্বাঞ্চল সীমান্ত ৰে'লৱে কতৃপক্ষই লোৱা সিদ্ধান্তই এতিয়া মৃত্যুৰ দুৱাৰদলিলৈ ঠেলি দিছে বনহস্তী সকলৰ লগতে স্থানীয় গাওঁবাসীক ।
দ্বীপৰ বিলৰ পাৰত থকা ৰে'লপথটোত বৰ্তমানলৈ ১৪ টা হাতীৰ মৃত্যু হোৱাৰ লগতে অন্য বহু জীৱ-জন্তুৰ মৃত্যু হৈছে তথাপিও যেন কানষাৰ নাই ৰে'লবিভাগৰ লগতে বনবিভাগৰ । ইয়াৰ পিছত দ্বৈত ৰে'লপথ নিৰ্মানৰ ফলত বন্যহস্তী মৃত্যুমুখত পৰাৰ লগতে বন্যহস্তীবোৰ দ্বীপৰ বিলত খাদ্যৰ সন্ধানত নামিবলৈ নাপাই কাষৰীয়া গাওঁসমূহত তাণ্ডৱ চলোৱাটো এক প্ৰকাৰৰ নিশ্চিত বুলি জনায় স্থানীয় ৰাইজে।
ফলত সৃষ্টি হ'ব হাতী-মানুহৰ সংঘাত। লগতে দ্বীপৰ বিলৰ সমীপৰ মিকিৰপাৰা, চকৰ্দৌ গাঁৱৰ লগতে ইয়াৰ আশে পাশে থকা গাওঁসমূহৰ বৃহৎ ক্ষতিসাধন কৰিব বুলিও কয় ৰাইজে । সেইবাবে দ্বৈত ৰে'লপথৰ বিৰোধীতা কৰি দ্বৈত ৰে'লপথৰ কাম বন্ধ নকৰিলে আন্দোলন চলি থকাৰ হুংকাৰ দিয়ে স্থানীয় ৰাইজৰ ।
