আমিনগাঁও, 20 চেপ্তেম্বৰ : আমিনগাঁৱত শুকুৰবাৰে দিন দুপৰতে সংঘটিত হ'ল এক চাঞ্চল্যকৰ ডকাইতি কাণ্ড ৷ আমিনগাঁৱৰ অভাৰচিজ বেংকৰ পৰা ধন উলিয়াই আহি থকা চাৰিগৰাকী মহিলাৰ এগৰাকীৰ হাতৰ পৰা বাইকত অহা দুই আৰোহীয়ে 50 হাজাৰ টকাসহ এটা মোবাইল কাঢ়ি নিয়ে ৷ আমিনগাঁৱৰ ৰাজীৱ ভৱনৰ সমীপত সংঘটিত হয় এই চাঞ্চল্যকৰ ডকাইতি কাণ্ড ৷
দিন দুপৰতে ডকাইতি লুটি নিলে 50 হাজাৰ টকা
উল্লেখ্য যে,চাংসাৰী ছিলভৰালৰ জননী আত্মসহায়ক গোটৰ চাৰিগৰাকী কৰ্মীয়ে বেংকৰ পৰা উলিয়াই আনিছিল নগদ টকাখিনি। আমিনগাঁৱৰ ৰাস্তাৰে খোজ কাঢ়ি গৈ থকা সময়তে এনেদৰে বেগটো কাঢ়ি লৈ উধাও হয় দুৰ্বৃত্ত দুটা ৷ ইতিমধ্যে ঘটনা সন্দৰ্ভত আমিনগাঁও আৰক্ষীক অৱগত কৰা হৈছে যদিও এই পৰ্যন্ত আৰক্ষীয়ে দুৰ্বৃত্তৰ সন্ধানত অনুসন্থান চলাই আছে ৷
