দক্ষিণ কামৰূপ, 12 জানুৱাৰী : অৱশেষত অসম আহি পালে কৰ'ণাৰ ভেকচিন । বহু প্ৰতিক্ষাৰ অন্ত পেলাই পুণেত প্ৰস্তুত হোৱা ভেকচিন আহি পালে গুৱাহাটী । পুণেৰ পৰা স্পাইচ জেটৰ SG-7715 নম্বৰৰ বিশেষ বিমানযোগে কলিকতা হৈ গুৱাহাটী বিমান বন্দৰ পালে কৰ'ণাৰ প্ৰতিষেধক ৷ বিমান বন্দৰত স্বাস্থ্য বিভাগে গ্ৰহণ কৰিলে ভেকচিন সমূহ । স্পাইচ জেট বিমানযোগে মুঠ 20 টা কাৰ্টন লৈ অনা হৈছে গুৱাহাটীলৈ ৷ ইয়াৰে 17 টা কাৰ্টন অসমৰ আৰু 3 টা কাৰ্টন মেঘালয়লৈ প্ৰেৰণ কৰা হয় ।
মুঠ 2 লাখ 15 হেজাৰ ভেকচিন লৈ অনা হৈছে অসমলৈ । এই ভেকচিনসমূহ 2 ৰ পৰা 8 ডিগ্ৰী চেলছিয়াচত সংৰক্ষণ কৰা হ'ব । প্ৰথম অৱস্থাত স্বাস্থ্যকৰ্মী আৰু ক'ভিডযোদ্ধা সকলক প্ৰদান কৰা হ'ব ৷ বৰ্তমান আহি পোৱা ভেকচিনেৰে প্ৰায় 1 লাখ লোকক প্ৰদান কৰিব পৰা যাব । অৱশ্যে, পৰৱৰ্তী সময়তো পুণেৰ পৰা ভেকচিন আহি থাকিব বুলি জানিব দিয়ে স্বাস্থ্য বিভাগে ৷
লগতে পঢ়ক : 5 বজাত গুৱাহাটী পাব কোভিড-19 প্ৰতিষেধক কঢ়িয়াই অনা বিশেষ বিমান
