ছয়গাঁৱত জব্দ গৰু ভৰ্তি ট্ৰাক

ছয়গাঁও আৰক্ষীৰ এক অভিযানত গৰু সৰবৰাহ কৰি থকা অৱস্থাত জব্দ হয় এখন ট্ৰাক ৷ আৰক্ষীয়ে ট্ৰাক খনৰ চালক লালচান্দ আলী আৰু হেন্দিমেন চাহেৰুদ্দিন আলীক আটক কৰি অব্যাহত ৰাখিছে তদন্ত ৷

ছয়গাঁও,9 জানুৱাৰী: বুধবাৰে নিশা ছয়গাঁও আৰক্ষীৰ এক অভিযানত জব্দ হয় এখন গৰু ভৰ্তি ট্ৰাক ৷ AS-25DC-6104 নম্বৰৰ ট্ৰাকখনেৰে গৰু সৰবৰাহ কৰি থকা অৱস্থাত,ছয়গাঁও থানাৰ সন্মুখতে জব্দ কৰিবলৈ সক্ষম হয় আৰক্ষীয়ে ৷ অভিযোগ অনুসৰি দীৰ্ঘদিনে দক্ষিণ কামৰূপৰ চৰাঞ্চল সমূহৰ পৰা নদী পথেৰে বাংলাদেশলৈ সৰবৰাহ হৈ আহিছে গৰু ৷

তথ্য অনুসৰি জব্দ গৰু ভৰ্তি ট্ৰাকখন গৰৈমাৰীৰ কানহাৰাৰ পৰা গুৱাহাটী অভিমুখে গৈ থকা অৱস্থাত আৰক্ষীৰ জালত পৰে ৷ ইতিমধ্যে ট্ৰাকখনৰ চালক লালচান্দ আলী আৰু হেন্দিমেন চাহেৰুদ্দিন আলীক ছয়গাঁও আৰক্ষীয়ে আটক কৰি অব্যাহত ৰ‍াখিছে সোধপোচ ৷

লগতে পঢ়ক: ছয়গাঁও উকিয়াম পথেৰে সৰবৰাহ হয় চোৰাং কয়লা