কামৰূপ, 28 জুলাইঃ পুনৰ বিতৰ্কত যুৱ প্ৰজন্মৰ হাৰ্ট থ্ৰ' জুবিন গাৰ্গ ৷ এইবাৰ ব্ৰাহ্মণ সমাজৰ ৰোষত পৰিল জুবিন ৷ বাইহাটা চাৰিআলি আৰক্ষী থানাত জুবিন গাৰ্গৰ বিৰুদ্ধে ৰুজু হ'ল গোচৰ ৷ বাইহাটা চাৰিআলিৰ স্থানীয় কেইগৰাকীমান ব্যক্তিয়ে ৰুজু কৰিলে জুবিন গাৰ্গৰ বিৰুদ্ধে গোচৰ । কিছুদিন পূৰ্বে গুৱাহাটী চিকিৎসা মহাবিদ্যালয়ৰ প্ৰেক্ষাগৃহত অনুষ্ঠিত হোৱা এক অনুষ্ঠানত জুবিন গাৰ্গে ব্ৰাহ্মণ সমাজৰ প্ৰতি কৰা কটু মন্তব্যত জাঙুৰ খাই উঠে ব্যক্তি কেইজন ।
বাহ্মণ সমাজৰ ৰোষত জুবিন গাৰ্গ
লগতে মঞ্চত ৰাজহুৱাভাবে ব্ৰাহ্মণ সমাজক কৰা মন্তব্য বিভিন্ন সংবাদত মাধ্যমৰ জৰিয়তে প্ৰচাৰো হোৱা বুলিও উল্লেখ কৰে ব্যক্তিকেইজনে । যাৰ বাবে জুবিন গাৰ্গৰ এই কটু মন্তব্যৰ উচিত বিচাৰৰ দাবীত গোচৰ ৰুজু কৰে সচেতন নাগৰিক সকলে । উক্ত অনুষ্ঠানতে জুবিন গাৰ্গে হিন্দী ভাষাৰ ওপৰতো নীচ মন্তব্য কৰা বুলি অভিযোগ আনে ব্যক্তিকেইজনে ।
