বকো, ২৬ মাৰ্চ: চুবুৰীয়া ৰাজ্য মেঘালয়ৰ তুৰা বি এছ এফৰ মুখ্য কাৰ্যালয়ৰ অধীনস্থ কোচবিহাৰৰ এটা বেটেলিয়নৰ সৈতে সংযুক্ত হৈ থকা কেম্পত চিপ লোৱা অৱস্থাত উদ্ধাৰ হৈছিল এগৰাকী মহিলা কনিষ্টবলৰ মৃতদেহ । ২০ মাৰ্চৰ পুৱা বেটেলিয়নৰ এটা ৰুমৰ ভিতৰত ৰহস্যজনক পৰিস্থিতিত ওলমি থকা অৱস্থাত উদ্ধাৰ হৈছিল মৃতদেহটো (Dhritashree Rabha suicide case) । মৃতদেহটো সীমান্ত সুৰক্ষা বাহিনীৰ ক্ৰীড়া চেম্পিয়ন ২৮ বছৰীয়া ধৃতাশ্ৰী ৰাভাৰ বুলি চিনাক্ত কৰা হৈছিল(BSF sports champion Dhritashree Rabha commits suicide) ।
কামৰূপ জিলাৰ বকোৰ ডকুৱাপাৰা গাঁৱৰ পৰা অহা যুৱতীগৰাকী পশ্চিম গাৰো পাহাৰৰ হালিদয়গঞ্জত অৱস্থিত বি এছ এফৰ ৪৫ নং বেটেলিয়নত কৰ্মৰত আছিল । কাৰাটে চেম্পিয়নশ্বিপত অংশগ্ৰহণ কৰিবলৈ কোচবিহাৰত থকা ১২৯ বেটেলিয়ন বি এছ এফৰ সৈতে সংযুক্ত হৈ থকাৰ সময়তে পোহৰলৈ আহিছিল এই শোকাৱহ ঘটনা (Karate Champion Dhritashree Rabha) । বি এছ এফৰ প্ৰাৰম্ভিক প্ৰতিবেদনত এই ঘটনাক আত্মহত্যা বুলি দাবী কৰা হৈছিল ।
পিছে প্ৰতিভাসম্পন্ন যুৱতীগৰাকীৰ মৃত্যুক পৰিয়াল আৰু আত্মীয়ই সীমান্ত বাহিনীৰ দাবী কৰাৰ দৰে আত্মহত্যা বুলি মানি ল'ব পৰা নাই । ইয়াৰ বিপৰীতে এয়া এক পৰিকল্পিত হত্যাকাণ্ড বুলি দাবী কৰে পৰিয়ালৰ লোকে (Family suspects murder of Dhritashree Rabha) । পাচত যুৱতীগৰাকীৰ পৰিয়ালৰ লোকে এই ঘটনাৰ উচিত তদন্ত আৰু ন্যায় বিচাৰি কোচবিহাৰৰ পুন্দিবাৰী আৰক্ষী থানাত দাখিল কৰে এখন এজাহাৰ ।
ইফালে এই ঘটনাক সহজভাৱে ল'ব পৰা স্থানীয় ৰাইজ তথা দল সংগঠনেও । শনিবাৰে বিয়লি ৰাভা মহিলা পৰিষদৰ এটা দল উপস্থিত হয় ধৃতাশ্ৰীৰ গৃহত । ৰাভা জাতিৰ এগৰাকী প্ৰতিভাৱান আৰু উদীয়মান যুৱতীৰ এই অস্বাভাৱিক মৃত্যুৰ উচিত তদন্তৰ দাবী জনাই ৰাভা মহিলা পৰিষদে । অসমৰ মুখ্যমন্ত্ৰী ড৹ হিমন্ত বিশ্ব শৰ্মাৰ হস্তক্ষেপৰ দাবী কৰে ৰাভা মহিলা পৰিষদে ।
লগতে পঢ়ক: Minister Atul Bora on Rahul Gandhi : ৰাজনৈতিক অপৰিপক্বতাৰ ফল ভুগিছে ৰাহুল গান্ধীয়ে; মন্ত্ৰী অতুল বৰা
