ঘৰলৈ অহা আলহীক মৰিয়াই হত্যা

আলহীয়ে গৃহস্থৰ পত্নীক মাৰধৰ কৰাৰ অভিযোগত পৰিয়ালৰ লোকে মৰিয়াই হত্যা কৰিলে আলহীক ৷ 5 জনক আটক কৰিছে আৰক্ষীয়ে ৷

হাজো, 6 মাৰ্চঃ হাজোৰ ৰামদিয়াৰ বঙালতোলাত চাঞ্চল্যকৰ হত্যাকাণ্ড ৷ ঘটনাৰ বিৱৰণ অনুসৰি,হাজোৰ ৰামদিয়াৰ বঙালতোলাৰ পৰেশ ভঁৰালীৰ ঘৰলৈ ফুৰিবলৈ অহা বৰপেটা জিলাৰ ওদালবাৰী গাঁৱৰ হৰেকৃষ্ণ কলিতাই পৰেশ ভঁৰালীৰ পত্নীক মাৰধৰ কৰাৰ অভিযোগ উত্থাপন কৰে পৰেশ ভঁৰালীৰ পৰিয়ালে ৷ সেই অভিযোগতেই আলহী হৰেকৃষ্ণ কলিতাক মৰিয়াই মৰিয়াই হত্যা কৰে পৰেশ ভৰাঁলীৰ পৰিয়ালৰ লোকে ৷ ঘটনাস্থলীত হাজো আৰক্ষী উপস্থিত হৈ হৰেকৃষ্ণ কলিতাৰ মৃতদেহ উদ্ধাৰ কৰি হাজো থানালৈ লৈ আহে ৷ ঘটনাত জড়িত পাঁচজন লোকক আটক কৰিছে হাজো আৰক্ষীয়ে ৷ পৰেশ ভঁৰালীৰ লগতে তেখেতৰ পৰিয়ালৰ জনাৰ্দন ভৰাঁলী,দ্বীপজ্যোতি ভঁৰালী,দীজেন ডেকা আৰু জয়মতী ভৰাঁলীক আটক কৰিছে আৰক্ষীয়ে ৷

লগতে পঢ়কঃ প্ৰাগজ্যোতিষপুৰ স্বায়ত্ব শাসিত পৰিষদ গঠনৰ দাবীত প্ৰতিবাদ