বকো, 2 আগষ্ট: আধাৰ কাৰ্ডৰ নামত উৎকোচ লৈ হাতে লোটে ধৰা পৰিল এজন বি এম ই | উক্ত ঘটনা সংঘটিত হৈছে কামৰূপ জিলাৰ বকোৰ ছমৰীয়াত। আধাৰ কাৰ্ডৰ নামত উৎকোচ লৈ হাতে-লোটে আৰক্ষীৰ হাতত আটক হয় বি এম ই জন। আটকাধীন বি এম ই জনৰ নাম আনিছুৰ ৰহমান ভূঞা(২৫)। সোনতলীৰ ৰবিয়াল হুছেইনৰ অভিযোগৰ ভিত্তিত আটক হয় বি এম ই জন। দীৰ্ঘ দিন ধৰি আধাৰ কাৰ্ডৰ নামত উৎকোচ লৈ অহা সময়তে ৰবিয়াল হুছেইনৰ পৰাও এশ টকা উৎকোচ বিছাৰে । লগে লগে ৰবিয়াল হুছেইনে আৰক্ষীক অৱগত কৰে আৰু আৰক্ষীয়ে তেওঁক আটক কৰি বকো থানালৈ লৈ যায় ৷ উল্লেখ্য যে, ছমৰীয়া ৰাজহ চক্ৰ বিষয়া অদিতি গগৈয়ে পূৰ্বেও ৰবিয়াল হুছেইনক সকীয়নি দিছিল ৷
উৎকোচ লৈ হাতে লোটে ধৰা পৰিল বি এম ই
