ৰঙিয়া,16 জানুৱাৰী : ৰঙিয়াত ভোগালী বিহু উপলক্ষে শনিবাৰে সচেতন যুৱ পৰিষদে দৰিদ্ৰ পৰিয়ালক কম্বল বিতৰণ কৰে । ৰঙিয়াৰ ঐতিহাসিক কৃষক ভৱনত পৰিষদৰ সদস্যসকলে শতাধিক মহিলাক কম্বল বিতৰণ কৰে । উল্লেখ্য যে, বহু দৰিদ্ৰ লোকে ঠাণ্ডাৰ ফলত এখন কম্বলৰ বাবে হাহাকাৰ কৰি থাকিবলগীয়া হৈছে ।
ৰঙিয়াত সচেতন যুৱ পৰিষদৰ কম্বল বিতৰণ
এনে পৰিস্থিতি অভাৱী লোকসকলক কিছু পৰিমাণে হ’লেও সকাহ দিয়াৰ উদ্দেশ্যে সচেতন যুৱ পৰিষদে এই পদক্ষেপ গ্ৰহণ কৰা বুলি জানিবলৈ দিয়ে । পৰিষদে ৰঙিয়াৰ পদপথৰ আৰু দুখীয়া মহিলাসকলক বিতৰণ কৰে এই কম্বল । সচেতন যুৱ পৰিষদৰ এই পদক্ষেপক সকলোৱে শলাগ লয় ।
লগতে পঢ়ক : ৰিপুন বৰা-গৌৰৱ গগৈ-ৰকিবুল হুচেইনক আটক মহানগৰ আৰক্ষীৰ
