গুৱাহাটী, 2 জুন: লক ডাউনৰ মাজতে শ্ৰমৰ মৰ্যদাৰ দাবীৰে আই আই টি গুৱাহাটীত শ্ৰমিকৰ প্ৰতিবাদ ৷ লক ডাউনৰ সময়ত নীতি বৰ্হিভুত ভাবে আই আই টি গুৱাহাটীৰ 99 জন শ্ৰমিকক কামৰ পৰা উলিয়াই দিয়াকলৈ সোমবাৰে প্ৰতিবাদ মুখৰ হৈ পৰে ভাৰতীয় মজদুৰ সংঘ । এই কাৰ্যৰ বিৰোধিতাৰে গুৱাহাটী আই আই টিৰ লঠিয়াবাগিছা গেটৰ সন্মুখৰ খেলপথাৰত প্ৰতিবাদী সভা অনুষ্ঠিত কৰি প্ৰতিবাদ সাব্যস্ত কৰে ভাৰতীয় মজদুৰ সংঘই ৷
উল্লেখ্য যে, সোমবাৰে আই আই টি গুৱাহাটীত ঠিকা ভিত্তিত কাম কৰি থকা তথা কোনোধৰণৰ অভিযোগ নথকাকৈ উদ্যানত সেৱা আগবঢ়াই অহা ৯৯ গৰাকী শ্ৰমিকক কামৰ পৰা অপসাৰণ কৰে প্ৰতিষ্ঠানখনৰ কৰ্তৃপক্ষই ৷ লগতে এপ্ৰিল মাহৰ পৰা শ্ৰমিকসকলৰ বেতন বন্ধ কৰি ৰাখিছে প্ৰতিষ্ঠানটোৱে ৷ এই ঘটনাৰ বিৰোধিতাৰ প্ৰতিবাদ সাব্যস্ত কৰে ভাৰতীয় মজদুৰ সংঘই ৷ লগতে কামৰ পৰা অব্যাহতি দিয়া শ্ৰমিক সকলক সাহাৰ্য আৰু চেনিটাইজাৰ বিতৰণ কৰে ভাৰতীয় মজদুৰ সংঘই ৷
লগতে পঢ়কঃ নিৰ্বিকাৰ বন বিভাগঃ শোণিতপুৰত ব্যাপক হাৰত চলিছে বন ধ্বংস অভিযান
