কামৰূপ,2 আগষ্টঃ অসমৰ থলুৱা কলা-কৃষ্টিক জীপাল কৰি ৰখা কামৰূপীয়া ওজাপালিৰ দলৰ শিল্পীসকলৰ মাজত এতিয়া পানীত হাঁহ নচৰা অৱস্থাৰ সৃষ্টি হৈছে লক্ ডাউনৰ বাবে । উৎসৱ পাৰ্বনত ওজাপালি পৰিৱেশন কৰি পৰিয়াল পোহপাল দিয়া কমলপুৰৰ ত্ৰিনয়ন ওজাপালি দলটোৰ সদস্য সকল উপায়ন্তৰ হৈ তেওঁলোকৰ জীৱিকাৰ পথে সলনি কৰিবলগীয়া হৈছে । কোনোবাই যদি কাঠ মিস্ত্ৰীৰ যোগালি কৰিছে আন কোনোৱে আকৌ বাঁহ-বেতৰ কাম কৰিবলৈ আৰম্ভ কৰিছে ৷
কৰ'ণাৰ ত্ৰাসৰ বাবে হাহাকাৰ থলুৱা লোকশিল্পীৰ
তাৰ মাজতে সময় উলিয়াই কৰ'ণা ভাইৰাছৰ ক্ষেত্ৰত ল'ব লগা সাৱধানতা খিনি মানুহৰ মাজত দোহাৰিছে ওজাপালিৰ জৰিয়তে ৷ হিতৰাম কাকতিৰ নেতৃত্বত পৰিচালিত এই ওজাপালিৰ দলটোৰ প্ৰতিগৰাকী শিল্পীয়ে জীয়াই থকাৰ বাবে চৰকাৰৰ পৰা এতিয়া কিঞ্চিতমান সহায় বিচাৰি কাতৰ অনুৰোধ জনাইছে ৷
লগতে পঢ়কঃকেৰালাত কৰ'ণা আক্ৰান্ত মহিলাই প্ৰসৱ কৰিলে যমজ সন্তান
