বাইহাটা চাৰিআলি, ১৪ ডিচেম্বৰ : সুদীৰ্ঘ তিনি বছৰৰ অন্তত মিলিত হ'ল সদৌ অসম নাগাৰা নাম সংঘ । তিনি বছৰ পূৰ্বে নাগাৰা নাম সংঘ বুজাবুজিৰ অভাবৰ বাবে দ্বি খণ্ডিত হৈ আছিল । বুজা বুজি বা ক্ষমতাৰ লোভৰ বাবে ধৰ্মীয় সংস্থাটি দ্বি বিভক্ত হৈ আছিল । এটা ফৈদত সভাপতি হিচাপে আছিল সৰ্বেশ্বৰ কলিতা আৰু আনটো ফৈদৰ সভাপতি আছিল ৰামচৰণ ভৰালী । সুদীৰ্ঘ তিনি বছৰে দুয়োটা ফৈদে চলাই আছিল সদৌ অসম নাগাৰা নাম সংঘ । কিন্তু নাগাৰা নাম সংঘ দ্বি খণ্ডিত হোৱাত অসন্তুষ্ট হৈ আছিল বহু সংস্যক নাগাৰা নামৰ পাঠক তথা শিল্পী ।
সদৌ শেষত কামৰূপ জিলা নাগাৰা নাম সংঘৰ সম্পাদক চণ্ডী পাটোৱাৰী আৰু পুঠিমাৰী বাৰোৱাৰী দূৰ্গা পূজাৰ সম্পাদক কমলা কলিতাৰ প্ৰচেষ্টাত দুয়োটা ফৈদ মিলিত হয় । পূৰ্বৰ ফৈদ দুয়োটাই পদত্যাগ কৰি এখন নতুন সমিতি গঠন কৰে । য'ত সভাপতি হিচাপে থাকে দৰং জিলাৰ বিখ্যাত পাঠক বলো বৈশ্য আৰু সম্পাদক হিচাপে থাকে নিপন দত্ত কলিতা । দুয়োটা ফৈদ একত্ৰিত হোৱাত সুখী মধ্যস্থতাকাৰীৰ লগতে নাগাৰা নামৰ পাঠক বৃন্দ ।
লগতে পঢ়ক : পদে পদে মৃত্যুৰ ক্ষণ গণিছে এজনী মাইকী হাতীয়ে
