নিউজ ডেস্ক, 2 অক্টোবৰ: ছেপ্টেম্বৰ মাহত ভাৰতৰ বজাৰত আইফোন 16 ছিৰিজ, Vivo T3 Ultra আৰু Motorola Razr 50 কে ধৰি কেইবাটাও স্মাৰ্টফোন মুকলি কৰা হৈছিল । গ্ৰাহকৰ চাহিদালৈ লক্ষ্য ৰাখি অক্টোবৰ মাহত বহু স্মাৰ্টফোন নিৰ্মাণ কোম্পানীয়ে বজাৰত নিজৰ নতুন ফোন মুকলি কৰিবলৈ ওলাইছে । ইয়াত আমি আপোনালোকক এই মাহত মুকলি হ’বলগীয়া কেইটামান স্মাৰ্টফোনৰ বিষয়ে জনাম---
OnePlus 13
ৱানপ্লাছে নিশ্চিত কৰিছে যে অক্টোবৰ মাহত চীনত মুকলি কৰা হ’ব তেওঁলোকৰ ফ্লেগশ্বিপ OnePlus 13 স্মাৰ্টফোন । তথ্য অনুসৰি এই ফোনটো আগন্তুক Snapdragon 8 Generation 4 প্ৰচেছৰৰ সৈতে আহিব আৰু ইয়াত 100W ফাষ্ট চাৰ্জিঙৰ সৈতে 6,000 mAh বেটাৰী থাকিব ।
iQOO 13
Vivo’ৰ চাব ব্ৰেণ্ড iQOO এ অক্টোবৰ মাহত চীনত মুকলি কৰিব প্ৰিমিয়াম iQOO 13 ছিৰিজ । OnePlus 13 ৰ দৰেই iQOO 13 তো Qualcomm Snapdragon 8 Gen 4 প্ৰচেছৰৰ দ্বাৰা চালিত হোৱাৰ সম্ভাৱনা আছে আৰু ইয়াৰ IP68 ৰেটিং থাকিব । ফোনটোত 16 GB ৰেম আৰু 512GB ষ্ট’ৰেজ থাকিব পাৰে । iQOO 13 ত 144Hz ৰিফ্ৰেছ ৰেটৰ সৈতে 6.7 ইঞ্চি 2K AMOLED ডিছপ্লে অহাৰ সম্ভাৱনা আছে । ইয়াত 6,150mAh ৰ বৃহৎ বেটাৰী আৰু 100W ফাষ্ট চাৰ্জিং থাকিব বুলি আশা কৰা হৈছে ।
Samsung Galaxy S24 FE
ইতিমধ্যে Samsung এ ঘোষণা কৰিছে নিজৰ শেহতীয়া সংস্কৰণৰ স্মাৰ্টফোন Galaxy S24 FE । অহা 3 অক্টোবৰৰ পৰা ভাৰতত বিক্ৰীৰ বাবে উপলব্ধ হ’ব এই ফোনটো ৷ Samsung Exynos 2400e চিপছেটৰ দ্বাৰা চালিত হ’ব আৰু ইয়াৰ বেটাৰী থাকিব 4,700mAh । ইয়াত 8GB ৰেম আৰু 512GB ষ্ট’ৰেজ সমৰ্থন কৰিব ।
Lava fire 3
ভাৰতৰ শেহতীয়া স্মাৰ্টফোন Lava fire 3 অহা 4 অক্টোবৰত ভাৰতত মুকলি হ’ব । Lava fire 3 ত 6.78 ইঞ্চিৰ ফুল এইচডি+ ডিছপ্লে থাকিব বুলি আশা কৰা হৈছে । যাৰ ৰিফ্ৰেছ ৰেট 120 হাৰ্টজ পৰ্যন্ত হ’ব । খবৰ অনুসৰি এই ফোনত মিডিয়াটেক ডাইমেনচন 7300 প্ৰচেছৰ ব্যৱহাৰ কৰা হ’ব ৷
ইয়াৰ উপৰিও ইয়াক CMF Phone 1 আৰু Motorola Edge 50 Neo ত ব্যৱহাৰ কৰা হৈছে । ইয়াত 8 GB ৰেম আৰু 256GB ষ্ট’ৰেজ থাকিব বুলি আশা কৰা হৈছে । কিন্তু এই মুহূৰ্তত ষ্ট’ৰেজ বা ৰেমৰ ধৰণ সম্পৰ্কে বিশেষ তথ্য নাই । ইয়াৰ বিষয়ে অধিক তথ্যৰ বাবে আমি আনুষ্ঠানিক ঘোষণাৰ বাবে অপেক্ষা কৰিব লাগিব ।
অপটিক্সৰ কথা ক’বলৈ গ’লে Lava fire 3 ৰ পিছফালে কোৱাড কেমেৰা ছেটআপৰ বৈশিষ্ট্য দিয়া হৈছে, য’ত 64MP প্ৰাইমেৰী শ্বুটাৰ, 8MP আল্ট্ৰা-ৱাইড, 2MP মেক্ৰ’ শ্বুটাৰ আৰু 2MP ডেপথ চেন্সৰ থাকিব পাৰে । লাভাই fire 3 ত নিজাকৈ UI আগবঢ়াব পাৰে, যিটো এণ্ড্ৰইড 14 ৰ ওপৰত ভিত্তি কৰি তৈয়াৰ কৰা হৈছে । এই মিড-ৰেঞ্জাৰত 5000mAh বেটাৰী আৰু 66W ফাষ্ট চাৰ্জিং থাকিব পাৰে ।
Infinix Zero Flip
শেহতীয়াকৈ Infinix এ একাংশ বজাৰত এই স্মাৰ্টফোনটো মুকলি কৰিছিল যদিও সংবাদ মাধ্যমৰ বাতৰি অনুসৰি কোম্পানীটোৱে এতিয়া অক্টোবৰ মাহত ভাৰতত প্ৰথমটো ফ্লিপ ফোন মুকলি কৰিব । জিৰ’ ফ্লিপত 120Hz ৰিফ্ৰেছ ৰেটৰ সৈতে 6.9 ইঞ্চি LTPO AMOLED ডিছপ্লে থাকিব । কভাৰ ডিছপ্লেৰ বাবে আছে 3.64 ইঞ্চিৰ AMOLED পেনেল যাৰ ৰিজ’লিউচন 1056 x1066 পিক্সেল ।
ফোনত উপলব্ধ হ’ব MediaTek Dimensity 8020 প্ৰচেছৰ । ইয়াত 8GB পৰ্যন্ত ৰেম আৰু 512GB পৰ্যন্ত ষ্ট’ৰেজ থাকিব । অপটিক্সৰ বাবে পিছফালে 50MP প্ৰাইমেৰী চেন্সৰ আৰু 50MP আল্ট্ৰা-ৱাইড এংগেল লেন্স আছে । ইয়াৰ উপৰিও চেলফি আৰু ভিডিঅ’ কলৰ বাবে 32MP ফ্ৰন্ট কেমেৰাৰ আছে ।
