কামৰূপ, 25 ডিচেম্বৰ : বাইহাটা চাৰিআলিৰ মদনপুৰ টোল গেটত শুকুবাৰে উত্তপ্ত পৰিস্থিতি সৃষ্টি হয় । নতুন লেচীয়ে টোল গেটৰ দায়িত্ব লোৱাৰ পিচতে সৃষ্টি হয় উত্তপ্ত পৰিস্থিতি ।
একাংশ যুৱকে হাতে হাতে ৰদ-লাঠী আদি লৈ ভাঙি লণ্ড ভণ্ড কৰে মদনপুৰ টোলগেট । সমান্তৰালভাৱে ইয়াতে শান্ত নাথাকি গেটত অগ্নি সংযোগ কৰে ক্ষোভিত যুৱক সকলে ।
মদনপুৰ টোলগেটত উত্তপ্ত পৰিস্থিতি
স্থানীয়লোকে সদৰি কৰা মতে বহিঃৰাজ্যৰ লেচীয়ে টোলগেটৰ দায়িত্ব লাভ কৰাৰ বাবেই সৃষ্টি হয় এই পৰিস্থিতি । ইফালে, ঘটনাস্থলীত বহু সময় লৈকে কামৰূপ আৰক্ষীৰ দল উপস্থিত হোৱা নাছিল বুলি সদৰি কৰিছে স্থানীয় লোকে । বৰ্তমান আৰক্ষীৰ এটা দল ঘটনাস্থলীত উপস্থিত হৈ উক্ত ঘটনাৰ সন্দৰ্ভত তদন্ত অব্যাহত ৰাখিছে ৷
লগতে পঢ়ক:পুনৰ বিপদৰ আশংকা কৰি নতুন ক'ভিড প্ৰট'কল জাৰি চৰকাৰৰ
